Intervista e parë e Trump pas betimit
Presidenti i SHBA Donald Trump ka theksuar se është minimizuar kërcënimi i përdorimit të TikTok nga qeveria kineze për të spiunuar përdoruesit
Në intervistën e tij të parë që nga kthimi në Shtëpinë e Bardhë, ai tha për “Fox Neës” se aplikacioni do të "qëndrojë" dhe se produktet e tjera të prodhuara në Kinë mund të përdoren po aq lehtë për spiunazh.
Ndërkohë, Trump urdhëroi 1500 trupa tokësore në kufirin jugor , së bashku me mbështetjen e avionëve, si pjesë e një goditjeje ndaj "alienëve të paligjshëm".
Trupat do të punojnë për të vendosur barriera në kufi, por nuk do të përfshihen në "zbatimin e ligjit", tha një zyrtar i lartë ushtarak.
SHBA: Mijëra ushtarë nisen në drejtim të kufirit të SHBA-ve me Meksikën
Mijëra trupa amerikane janë urdhëruar të shkojnë menjëherë në kufirin jugor të SHBA me Meksikën, dy ditë pasi Donald Trump urdhëroi një rritje të pranisë ushtarake në rajon.
Sipas CNN, përveç ushtarëve që do të transferohen në ditët në vijim, tashmë janë rreth 2200 ushtarë në kufirin jugor si pjesë e Task Forcës së Përbashkët, misioni kufitar i Komandës Veriore të SHBA-së me qendër në El. Paso, Teksas.
Ushtarët e vendosur atje ndihmojnë në mbështetjen e punës së Doganave dhe Mbrojtjes së Kufirit të SHBA-së, kryesisht duke kryer detyra logjistike dhe si futja e të dhënave, zbulimi, gjurmimi dhe mirëmbajtja e automjeteve.
Gjithashtu, në kufirin jugor është ndodhet Garda Kombëtare, në kuadër të Operacionit Lonestar, i drejtuar nga Garda Kombëtare e Teksasit.
Hyn në fuqi ligji historik i martesës në Tajlandë
Qindra çifte të të njëjtit seks po lidhin kurorë në të gjithë Tajlandën të enjten, pasi vendi bëhet i pari në Azinë Juglindore që njeh barazinë martesore.
Projektligji historik shënon një fitore të rëndësishme për komunitetin LGBTQ+, i cili ka luftuar për më shumë se një dekadë për të njëjtat të drejta martese si çiftet heteroseksuale.
Sipas legjislacionit, të miratuar nga parlamenti i Tajlandës dhe të miratuar nga mbreti vitin e kaluar, çiftet e të njëjtit seks janë në gjendje të regjistrojnë martesat e tyre me të drejta të plota ligjore, financiare dhe mjekësore, si dhe të drejta birësimi dhe trashëgimie.
Rusia i përgjigjet kërcënimeve të Trump
Rusia i është përgjigjur kërcënimeve të Donald trump, i cili tha se do të vendosë sanksione ekonomike nëse nuk arrin marrëveshje paqeje me Ukrainën.
Zëvendës i dërguari i Rusisë në Kombet e Bashkuara, Dmitry Polyanskiy tha se Kremlini do të duhet të shqyrtojë se çfarë Trump mendon se do të përfshijë në marrëveshje përpara se ta konsiderojë atë.
Ai tha se nuk është vetëm çështja e përfundimit të luftës, por së pari sipas tij duhen adresuar shkaqet e betejës në Ukrainë.
“Nuk është vetëm çështja e përfundimit të luftës. Është para së gjithash çështja e adresimit të shkaqeve rrënjësore të krizës në Ukrainë. Pra, ne duhet të shohim se çfarë do të thotë “marrëveshja” në kuptimin e presidentit Trump. Ai nuk është përgjegjës për atë që SHBA ka bërë në Ukrainë që nga viti 2014, duke e bërë atë “anti-Rus” dhe duke e përgatitur për luftën me ne, por tani ai ka fuqinë të ndalojë këtë politikë dashakeqe”, tha ai.