Londër, Angli
Dy kuaj u arratisën nëpër rrugët e Londrës dhe teksa vraponin me furi plagosën 4 persona. Kuajt ushtarakë u arratisën gjatë një stërvitjeje dhe vërshuan nëpër qytet, duke u përplasur me disa automjete. Pasi ekspertët arritën t’i kapnin, ata ishin në gjendje të rëndë dhe iu nënshtruan disa operacioneve.
Athinë, Greqi
Një çift duke parë se si pluhuri saharian mbulon Athinën. Ata janë fotografuar të uluër në kodrën Tourkovounia. Athina dhe qytete të tjera greke u përfshinë nga pluhuri portokalli i Saharasë, ndërsa autoritetet u bënë thirrje njerëzve të kenë kujdes me rrugët e frymëmarrjes, pasi ajri ishte goxha i ndotur.
Adre, Chad
Emigrantët e sapoardhur nga Sudani gatuajnë ushqim mbi zjarret e ndezura në muzg, jashtë strehimoreve pranë kampit afër Adres. Qindra emigrantë nga Sudani u zhvendosën në kampet e refugjatëve, të cilat nuk kanë kushte të mjaftueshme mjekësore.
New York, SHBA
Studentët protestojnë kundër luftës në Gaza. Të paktën 40 kampe protestuesish pro-palestinezë janë ngritur nëpër kampuset amerikane dhe studentët kërkojnë t’i jepet fund luftës çnjerëzore në Rripin e Gazës.
Bnei Brak, Izrael
Burrat dhe fëmijët hebrenj ultra-ortodoksë kryejnë përgatitjet e fundit për Pashkët. Sipas besimit të tyre, hebrenjtë nuk konsumojnë produkte me maja gjatë festës së Pashkëve, që përkon me historinë biblike të arratisjes së izraelitëve nga skllavëria dhe eksodit të tyre nga Egjipti.
Bregu Perëndimor
Një grua vajton mbi trupin burrit që u vra në një bastisje izraelite në kampin “Nur Shams” në Bregun Perëndimor të pushtuar nga Izraeli.
Gaza
Njerëzit nxitojnë të marrin paketat e ndihmave humanitare të hedhura në veri të Rripit të Gazës.
Wilmington, Karolina e Veriut
Retë pushtojnë zonën, ndërsa mbahet një tubim për fushatë e Donald Trump. Duke marrë parasysh kushtet atmosferike, ngjarja u shty, pasi Trump telefonoi për t’u thënë pjesëmarrësve se eventi do të planifikohej sërish, në një mënyrë më të mirë.
Gashbari, Indi
Njerëzit udhëtojnë drejt një qendre votimi për të vendosur për fazën e dytë të votimit në zgjedhjet e përgjithshme të Indisë.
Adre, Chad
Refugjatët presin që një pikë e shpërndarjes së ushqimit të hapet në një kamp të përkohshëm. Që nga fillimi i konfliktit të fundit midis Forcave të Mbështetjes së Shpejtë paraushtarake dhe forcave të armatosura sudaneze në mars 2023, më shumë se 600,000 refugjatë kanë kaluar kufirin nga Darfur në Sudan për në Chad.
Przemysl, Poloni
Njerëzit ndezin u vënë flakën sendeve gjatë një ceremonie funerali për anëtarin e shoqatës bamirëse në Gaza, Damian Sobol. Ai mbeti i vrarë nga një sulm izraelit dhe u përcoll për në banesën e fundit në qytetin e tij të lindjes, Przemysl.
Fass Boye, Senegal
Khady Gueye, 21 vjeç dhe gruaja tij, Birane Mbaye mbijetuan pas një përpjekjeje sfilitëse për të mbërritur në Spanjë. Ata erdhën me një varkë, e cila u largua me kilometra të tërë nga destinacioni dhe përfundoi jashtë arkipelagut të Kepit të Verdës, por më pas ia dolën të shpëtonin. Sot, familja e tyre është shëndoshë e mirë dhe vijojnë jetën normalisht.
Fass Boye, Senegal
Peshqit shpërndahen për t'u tharë në plazhin e Fass Boye. Dhjetëra varka peshkimi prej druri, të njohura si pirogët, rreshtohen në plazh dhe kryejnë këtë aktivitet. Si shumë komunitete bregdetare, edhe fshati në fjalë, ka dëshmuar lërgimin e shumë banorëve, të cilët kërkojnë mundësi më të mira jetese. Zvogëlimi i arkave të peshkut dhe rritja e kostove të jetesës e kanë bërë të vështirë për të përballuar jetesën, thonë vendasit. Ata fajësojnë mbipeshkimin nga peshkatarët ndërkombëtarë dhe thonë se varkat e tyre të vogla nuk mund të konkurrojnë me ta.
Arad, Izrael
Hebrenjtë ultra-ortodoksë shohin rreth mbetjeve të dukshme të një rakete balistike, pas një sulmi me raketa dhe dron nga Irani në Izrael, pranë qytetit jugor të Aradit.
Khan Younis, Gaza
Palestinezët ecin drejt shtëpive të tyre të shkatërruara në Khan Younis për të shpëtuar çdo send që ka “mbijetuar”.
Mathare, Kenia
Banorët vendas mbajnë një grua që ka humbur ndjenjat, pasi gati u mbyt sepse u bllokua në shtëpinë e saj të përmbytur në fshatin Ngondo. Në këtë zonë, pati shira të dendur, që bënë që lumi Gitathuru të dilte nga shtrati i tij.
Mathare, Kenia
Fëmijët e evakuuar nga zona e përmbytur hanë një vakt të përgatitur nga vullnetarë, një ditë pasi lumi Gitathuru u tejmbush dhe doli nga shtrati e tij, për shkak të reshjeve të mëdha, në fshatin Ngondo. Sipas Shoqatës së Kryqit të Kuq të Kenias, përmbytjet lanë të paktën 32 të vdekur dhe 15 të plagosur, si dhe të paktën 103,485 persona të prekur, të cilëve iu shkatërruan banesat.
Dunkirk, Francë
Një refugjat sudanez reagon pasi varka e tij u shpua me thikë nga policët francezë, të cilët synojnë të parandalojnë emigrantët që tentojnë të kalojnë në plazhin e Gravelines. Më herët gjatë javës pesë persona, përfshirë një fëmijë, vdiqën në përpjekje për të kaluar me një varkë të vogël pranë qytetit Wimereux.
Maun, Botsvana
Një person tërheq zvarrë një varkë nëpër një kanal të tharë pranë fshatit Nxaraga në deltën Okavango. Thatësira ka goditur Afrikën jugore dhe është shkaktuar kryesisht nga fenomeni El Nino. Vende të ndryshme si Zambia, Zimbabve dhe Malavia kanë shpallur fatkeqesinë kombëtare, pasi është prekur ndjeshëm sektori i bujqësisë dhe janë shkatërruar të korrat dhe kullotat.
Londër, Angli
Peres Jepchirchir fiton garën e femrave, duke vendosur një rekord të ri botëror për gratë, gjatë Maratonës së Londrës 2024, duke triumfuar në një garë me 3 rivale.
