Kupiansk, Ukrainë
Një burrë pret që të arrijnë skuadrat e evakuimit, në mënyrë që ta çojë fëmijën në një vend të sigurt.
Tbilisi, Gjeorgji
Protestuesit ngrenë një barrierë gjatë protestave për ligjin e “agjentit të huaj”. Disa mijëra protestues mbushën rrugët në Tbilisi gjatë javës, për t’u rebeluar ndaj ligjit të stilit rus, që nisi të diskutohej për t’u miratuar në parlament. Në bazë të draftit, grupet joqeveritare dhe mediat që marrin mbi 20% të financimeve nga jashtë do të quheshin “agjentë të huaj influence”. Pas protestave, qeveria u tërhoq.
Jenin, West Bank
Trupat palestineze u përplasën me ato izraelite, për të marrë West Bank. Në këtë përplasje, u vranë 6 palestinezë dhe u lënduan 11 anëtarë të ushtrisë izraelite.
Kiev, Ukrainë
Presidenti i Ukrainës, Volodymyr Zelensky dhe kryeministrja finlandeze, Sanna Marin, marrin pjesë në një shërbim përkujtimor për Dmytro Kotsiubailo, ish-vullnetar, ushtarak dhe hero i Ukrainës, i cili u vra në një luftë kundër trupave ruse në vijën e parë në Bakhmut.
Athinë, Greqi
Përplasjet mes protestuesve dhe policisë janë ashpërsuar ndjeshëm. Qytetarët grekë po protestojnë për përplasjen e dy trenave, aksident që solli vdekjen e 57 personave.
Mexico
Një grua pikturon një grafiti gjatë protestave kundër dhunës me bazë gjinore, të zhvilluar më 8 Mars, në Ditën Ndërkombëtare të Gruas.
Kreminna, Ukrainë
Një raketë MSLR BM-21 Grad lëshohet në ajër për t’u vetëmbrojtur nga sulmet ruse, të pozicionuara në vijën e parë pranë Kreminna-s.
Hatay, Turqi
Një grua qëndron mes ndërtesave të shembura nga tërmeti, një muaj pas tragjedisë që goditi kufirin turko-sirian, duke shkaktuar mbi 50,000 viktima.
Jenin, West Bank
Një djalë kalon pranë pengesave të çelikut kundër automjeteve, të vendosura në Jenin gjatë një greve të përgjithshme palestineze, kundër sulmit të ushtrisë izraelite.
Bakhmut, Ukrainë
Mjekët luftarakë ukrainas evakuojnë një ushtarak të plagosur nga vija e frontit pranë Bakhmut. Ushtarët ukrainas po goditen nga tre anët nga forcat ruse që po përpiqen të pushtojnë Bakhmut, qytet në rajonin lindor të Donetskut.
Kabul, Afganistan
Gratë dhe burrat afganë, në një dasmë kolektive, për 8 Mars.
Steccato di Cutro, Itali
Laila Temori, nga Kunduz, por me banim në Gjermani, kërkon eshtrat e të afërmve të saj në mbetjet e një varke. Ajo humbi të gjithë familjen e vëllait të saj, duke përfshirë tre fëmijë, në anijen e mbytur. Përpos nipit të saj 18 muajsh, asnjë nga familja nuk është gjetur. Deri më tani, të paktën 63 emigrantë janë raportuar të vdekur pas mbytjes së anijes në brigjet e Kalabrisë.
Bakhmut, Ukrainë
Një ushtar ukrainas fshihet pas një llogoreje, pas granatimeve të shumta të vijës së parë në frontin e Bakhmut. Shtytja ruse që synonte të merrte Bakhmut-in nisi në korrik dhe u intensifikua në vjeshtë pasi Moska mobilizoi mijëra trupa të tjera.
Tbilisi, Gjeorgji
Policia me mjete rebelimi përballet me protestuesit në kryeqytet. Policia gjeorgjiane qëlloi me ujë dhe gaz lotsjellës në mijëra protestues, duke i detyruar ata të shpërndaheshin, pas protestës kundër ligjit për "agjentët e huaj", i cili lidhet me legjislacionin rus.
Gisambai, Kenia
Nënat në Kenia marrin pjesë në programin pilot për vaksinën e malaries.
Jenin, West Bank
Palestinezët inspektojnë dëmet pas një bastisjeje nga ushtria izraelite në qytetin Jenin. Një zëdhënës i ushtrisë izraelite njoftoi se forcat e sigurisë që vepronin në kampin Jenin vranë të dyshuarin pas sulmit me të shtëna në Hawara më 26 shkurt.
Kunming, Kinë
Një grua ushqen pulëbardhat në digën Haigeng pranë liqenit Dianchi në Kunming.
Meopham, Angli
Zogjtë kërkojnë ushqim në një fushë të mbuluar me dëborë në Meopham, duke treguar qartë kushtet e motit në zona të ndryshme të Britanisë.
Jeruzalem
Burrat ortodoksë duke festuar Purim, në lagjen “Mea Shearim” në Jeruzalem. Festa hebraike shënon shpëtimin e hebrenjve nga gjenocidi në Persinë e lashtë.
Kharkiv, Ukrainë
Vendasit mblidhen rreth një krateri pasi një raketë goditi lagjen Pisochyn jashtë Kharkiv. Rusia lëshoi gjashtë raketa hipersonike që të shmangte mbrojtjen ajrore në orët e para të mëngjesit të së enjtes, ngjarje që shënoi edhe numrin më të madh të lëshimit të raketave në Ukrainë, në tre javët e fundit.
