Liban/ Izraeli kryen një sulm vdekjeprurës kundrejt Grupit Islamik
Izraeli ka sulmuar një makinë në lindje të Libanit dhe gjatë sulmit me dron, gjetën vdekjen 2 persona. Ushtria izraelite shënjestroi një zyrtar të Grupit Islamik ose të al-Jamaa al-Islamiya, i cili është një ndër aleatët e Hezbollah.
Në makinë u vra Musab Khalaf, i cili qëndronte pas sulmeve ndaj trupave izraelitë që u morën nga Siria gjatë Luftës së Lindjes së Mesme. Në këtë sulm u vra dhe një person i dytë, i pakonfirmuar, ndërsa grupimi nuk ka dhënë asnjë informacion.
TikTok ankimon vendimin e Senatit amerikan
Kompania kineze ByteDance, e cila ka në pronësi edhe TikTok, është shprehur se nuk e ka në plan të shesë aplikacionin e njohur. Deklarata vjen pasi Senati amerikan miratoi ligjin për ndalimin ose shitjen e TikTok-ut në SHBA.
“ByteDance nuk ka plane për ta shitur TikTok-un. Raportimet në mediat e huaja për shitjen e TikTok-ut nga ByteDance janë të pavërteta.”, tha kompania, pasi pati zëra se do të shiteshin aksionet.
Presidenti amerikan, Joe Biden, e nënshkroi ligjin i cili do ta ndalojë TikTok-un në Shtetet e Bashkuara, nëse nuk shitet brenda 9 muajve.
18 vende i bëjnë thirrje Hamasit të lirojë pengjet izraelite
SHBA, Austria, Argjentia, Bullgaria, Kanadaja, Brazili, Kolumbia, Mbretëria e Bashkuar, Gjermania, Danimarka, Franca, Polonia, Rumania, Serbia, Spanja, Tajlanda, Hungaria dhe Portugalia i kanë bërë thirrje Hamasit që të lirojë pengjet izraelite që ka rrëmbyer qysh prej 7 tetorit, kur sulmoi Izraelin.
Nëse ndodh kjo, menjëherë në Gaza do të arrihet armëpushimi dhe do të lehtësoheshin ndihmat humanitare, madje mund të çonte edhe në përfundimin e luftës së tmerrshme. “Banorët e Gazës do të jenë në gjendje të kthehen në shtëpitë dhe tokat e tyre ndërsa paraprakisht do të bëheshin përgatitje për të siguruar strehim dhe kushte humanitare”, thuhet në deklaratën e përbashkët.
Parlamenti Europian bën thirrje për lirimin e gazetarëve të arrestuar në Rusi
Në Parlamentin Europian është miratuar një rezolutë, e cila bën thirrje për lirimin e menjëhershëm dhe pa kushte të gazetarëve dhe të të burgosurve politikë në Rusi.
Rezoluta u miratua më 25 prill dhe është pjesë e nocionit të përbashkët, i cili gjithashtu dënon zgjedhjet presidenciale jodemokratike, të cilat u mbajtën në Rusi vitin e kaluar, si dhe pushtimin e Ukrainës.
Rezoluta bën thirrje për “lirimin e menjëhershëm dhe pa kushte, por edhe kompensimin e të gjithë të burgosurve politikë; për lirimin e gazetarëve të arrestuar padrejtësisht, përfshirë Alsu Kurmasheva dhe Evan Gershkovich dhe familjet e tyre; për rivendosjen e lirisë së shprehjes dhe tubimit dhe rritjen e kontrollit ndërkombëtar dhe monitorimit e shkeljeve të të drejtave të njeriut në Rusi”.
