Ellen DeGeneres ka nisur me turneun e saj të “komedisë në lëvizje”, ku del e vetme në skenë dhe performon në komedi stand up. Këtë herë ajo ka performuar në Largo, Hollywood, ku nisi me batuta për dëbimin e saj nga televizioni dy herë.
“U bëra njeri njëdimensional që hidhej dhe bënte kërcimin që i kërkonin. E dini sa e vështirë është t’i bësh të gjitha këto? E di sa e keqe duhet të jesh që të bësh ata hapa. Po sikur ta kisha mbyllur show-n duke i sharë të gjithë? Njerëzit do ishin surprizuar”, deklaroi ajo.
Ellen kujtoi se hera e parë kur u dëbua nga televizioni ishte në fund të viteve ’90, kur kishte emisionin “Ellen” dhe iu kërkua të largohej pasi zbuloi se ishte lesbike.
“Kur të më dëbojnë për herë të tretë do thonë që jam e ligë, e vjetër dhe lesbike”, tha ajo me ironi.
DeGeneres u akuzua në 2020-ën për krijimin e një ambienti pune toksik dhe për sjellje të gabuara ndaj stafit, pas pushimit nga puna të 3 producentëve të saj kryesorë. Ata e akuzuan moderatoren dhe aktoren për racizëm, intimidim dhe për nxitje të frikës.
“Njerëzit ose të duan dhe të kanë ideal, ose të urrejnë, ky biznes është plot me ekstreme të tilla”, deklaroi DeGeneres para se të niste me batutat e saj dhe ndërveprimin me publikun.
Në 2022-shin, Ellen realizoi emisionin e saj të fundit televiziv.
Artikuj të sugjeruar:
