Kampet naziste të përqendrimit në Channel Island më në fund do të hetohen zyrtarisht

Tmerret e kampeve të vetme të përqendrimit nazist që ekzistojnë në tokën britanike më në fund do të hetohen nga qeveria, zbulon Observer.

80 vjet pas një prej episodeve më të errëta në historinë britanike, qeveria do të bëjë një rishikim të numrit të të burgosurve të vrarë nga nazistët në Alderney, në ishullin e vogël Channel Island dhe lidhjen në këtë çështje të kurorës britanike.

Numri i viktimave është kundërshtuar shpeshherë; disa pretendojnë se mijëra njerëz u vranë dhe shumë u varrosën në varre masive në ishull.

Erërat e forta pritet të pengojnë operacionet kundër zjarreve në Rodos

Parashikimi i erërave të forta për të dielën pritet të pengojë përpjekjet e zjarrfikësve për të kontrolluar zjarret në ishullin grek të Rodosit, ku rreth 30,000 njerëz janë detyruar të evakuohen.

Flakët janë përhapur për gati një javë në ishull, pasi Greqia është goditur nga një periudhë e zgjatur e nxehtësisë ekstreme që e ka bërë të vështirë kontrollimin e flakëve.

Zyrtarët lokalë në Rodos thanë të shtunën se kishin zhvendosur 30,000 njerëz të kërcënuar nga zjarret, duke përfshirë më shumë se 2,500 të cilët duhej të largoheshin nga plazhet.

Moti në Itali: Nga valët e të nxehtit tek stuhitë me breshër

Një stuhi e jashtëzakonshme breshëri në Seregna, një qytet pranë Milanos në veri të Italisë, plagosi më shumë se njëqind njerëz të enjten. Shi i rrëmbyeshëm përfshiu Italinë veriore të premten, më 21 korrik, duke sjellë erëra të forta, breshër dhe përmbytje.

Në Siçili, temperaturat po shkojnë rreth 45ºC dhe rrjeti elektrik është i mbingarkuar pasi banorët janë paralajmëruar të qëndrojnë brenda dhe të ndezin kondicionerin.

Shtrimet në spital janë rritur me 20% dhe dy sicilianë kanë vdekur deri më tani.

Rusia po synon të sulmojë magazinat e fermave të Ukrainës

Rusia ka zgjeruar sulmet në infrastrukturën e porteve dhe ndërtesat e magazinave të fermave të rajonit të Odesës në Ukrainë.

Raketa të tjera ruse dëmtuan atë që zyrtarët e përshkruan vetëm si një "objekt të rëndësishëm infrastrukturor" në jugperëndim të Odesës, një përpjekje për të dëmtuar eksportet e ushqimit të Ukrainës.

Sulmet e ditëve të fundit e kanë vënë Odesën në qendrën e sulmeve Rusisë pasi Moska braktisi një marrëveshje që i lejonte Ukrainës të dërgonte grurë përmes portit kyç të Detit të Zi.