Numri i të vdekurve në Gaza shkon mbi 22,000

Numri i të vdekurve nga sulmet izraelite në Gaza është rritur në më shumë se 22,000 pas një dite luftimesh intensive në të gjithë territorin.

Një ditë pasi Izraeli njoftoi tërheqjen e parë të trupave nga Gaza, nuk pati asnjë shenjë lehtësimi për banorët e Gazës, të cilët pas tre muajsh bombardimesh të rënda dhe javësh luftimesh tokësore, janë pothuajse të gjithë të zhvendosur, të uritur dhe të prekur nga sëmundjet.

Tërmeti në Japoni: Numri i të vdekurve rritet në 62; alarm për rrëshqitje dheu dhe pasgoditje

Ekipet e shpëtimit japoneze po përpiqeshin të kërkonin të mbijetuar ndërkohë që autoritetet paralajmëruan për rrëshqitje të dheut dhe shi të dendur pas një tërmeti të fuqishëm që vrau të paktën 62 njerëz.

Tërmeti me magnitudë 7.5 të hënën tronditi Japoninë dhe shkaktoi valë cunami më shumë se një metër të lartë. Numri i të vdekurve pritet të rritet.

Ish-Twitter: Vlera e X ka rënë 71% që kur e bleu Elon Musk dhe ndryshoi emrin

Platforma e rrjeteve sociale X ka humbur 71% të vlerës që kur u ble nga Elon Musk. Musk bleu Twitter-in për 44 miliardë dollarë në tetor 2022 dhe e riemëroi platformën X në korrik 2023.

Presidentja e Harvardit jep dorëheqjen pas pretendimeve për plagjiaturë dhe reagime antisemitiste

Claudine Gay, presidentja e Universitetit të Harvardit, ka dhënë dorëheqjen mes presionit për përgjigjen e saj ndaj pyetjeve rreth antisemitizmit në kolegjet amerikane dhe akuzave se ajo ka kopjuar disa nga punimet e saj akademike. Në letrën e dorëheqjes, Gay njoftoi se do të rikthehet te detyra e saj si anëtare e fakultetit.

Vajza e emigrantëve nga Haiti, Gay uishte personi i parë me ngjyrë dhe gruaja e dytë në krye të institucionit prestigjioz.