Dhimbja mund të shërbejë për të të dhënë një mësim të mirë. Ndërveprimi i Diellit me Plutonin të ndihmon të lësh pas ca mendime të vjetra dhe të përqafosh ndryshimet e reja. Marsi do të hyjë në Shigjetar, duke ndryshuar sjelljet, marrëdhëniet dhe të ardhurat e tua.

Dashi
 
Të duhet pak më shumë punë me intimitetin dhe me marrëdhënien me të tjerët. Ti kërkon lirinë nga gjërat që të mbajnë peng në të shkuarën dhe që të zbulosh të vërtetën tënde. Sa më shpejt ta bësh këtë, aq më të thjesht do ta kesh edhe raportin me të tjerët. Fol hapur dhe trego se ç’do në jetë.
 
Demi
 
Dielli dhe Plutoni bashkëveprojnë për të të bërë më social se kurrë. Kontakto me miqtë, bëni një plan dhe jeni gati për t’u argëtuar. Nuk ka rëndësi nëse është e hënë, sërish do bëni qejf. Sezoni i Shigjetarit nis shpejt dhe të ndihmon të punosh më shumë me veten dhe problemet që ke pasur kohët e fundit.
 
Binjakët
 
Detajet e vogla kanë rëndësi, i dashur Binjak! Plutoni të frymëzon të jesh më vigjilent ndaj gjërave që të rrethojnë. Mos harro: Hapat e vegjël janë domethënës dhe vendimtarë për të ardhmen tënde, sidomos në aspektin e karrierës. Marsi hyn në Shigjetar të premten dhe të ndihmon të zgjidhësh një konflikt të vjetër.
 
Gaforrja
 
Që të jesh një person optimist, duhet të punosh shumë me mendimet e tua. Të hënën, kur Plutoni dhe Dielli bashkëveprojnë, do të mbushesh me besim, shpresë dhe vlerësim për veten. Kjo është një periudhë e rëndësishme për ty, pasi do të kesh si prioritet kujdesin ndaj vetes dhe mirëqenien e njerëzve që të rrethojnë.
 
Luani
 
Ndjeshmëria është fuqi, Luan! Mos ki frikë të shprehësh emocionet, të jesh i hapur dhe transparent me njerëzit që të rrethojnë. Mund të të duket si e rrezikshme dhe e frikshme diçka e tillë, ama mbaje në mendje se do të të ndihmojë shumë.
 
Virgjëresha
 
Do të negociosh dhe do të bësh një kompromis që do të të ndihmojë shumë. Mund të të duket e pamundur në fillim, por do ta kuptosh se është në dobinë tënde. Sezoni i Shigjetarit nis të mërkurën dhe të sjell të ardhurat që do. Të premten, Marsi hyn në Shigjetar dhe të frymëzon të rivendosësh barriera më të forta për të ruajtur aspektin emocional.

Peshorja
 
Qëndro me këmbë në tokë dhe kupto se që të zgjidhësh konflikte, duhet të jesh më i qetë dhe të dish të tejkalosh kaosin. Ulu, mendo, reflekto dhe gjej zgjidhje. Kjo javë vendos baza të rëndësishme në ndryshimet pozitive në jetën tënde. Je gati të bëhesh versioni më i mirë i vetes.
 
Akrepi
 
Kjo javë të frymëzon të thuash të vërtetat e tua, si dhe të bësh një rezyme se ç’ke arritur deri më tani. Sezoni i Shigjetarit të bën të qartësosh vlerat dhe mendimet, si dhe të vendosësh në funksion integritetin tënd.
 
Shigjetari
 
Duaje veten më shumë se zakonisht. Përqendrohu në punën tënde dhe shpërbleje veten për arritjet e tua. Shumë shpejt vjen sezoni yt, ndaj është momenti të thuash me zë të lartë ndjesitë dhe dëshirat e tua. Universi do të bëjë më të mirën për të t’i realizuar ato.
 
Bricjapi
 
Një bisedë mund të ndryshojë gjithçka, Bricjap! Jepi vëmendjen e duhur bisedës, diskutimit dhe rrethit tënd shoqëror. Ke nevojë të krijosh një hapësirë të nevojshme, të reflektosh dhe të thuash hapur mendimin tënd. Nëse do, rri pak në vetmi, por mos e kufizo veten.
 
Ujori
 
Vendosi në praktikë ato që ke mësuar, pasi mund të të kthehen në fitime të majme. Sezoni i Shigjetarit të sjell atë që ti do më shumë: Kohën me miqtë. Marsi hyn në Shigjetar dhe të vendos në pozicione udhëheqjeje, ndaj mos ki frikë të ndërmarrësh rreziqe.
 
Peshqit
 
Vizioni është çelësi! Krijo një qasje të re, pozitive dhe më shpresëplotë dhe shiko se si e gjithë situata do të ndryshojë. Do të marrësh lajme pozitive në karrierën tënde, ndaj nëse ke në plan të hapësh një biznes tëndin, apo të kërkosh rritje page, ky është momenti i duhur.