Rihanna ka zbuluar se ka vetëm një sekret për veshjet e djemve të saj. Në një prononcim për “ET” ajo u shpreh se i vesh si i ati.
“Kur i kombinoj veshjet e tyre gjithmonë kam parasysh Rocky-n”, tha këngëtarja teksa merrte pjesë në një event të Fenty x Puma në Londër. Ajo pranoi se e ka imagjinuar gjithmonë se si do e vishte një vajzë nëse do kishte, por për djemtë nuk e kishte idenë fare dhe për t’i dhënë drejtim thjesht u bazua te babai i tyre.
“Zgjidhja më e mirë është babai i tyre, këtë mendova kur më duhej të vendosja si t’i vesh bukur djemtë”, shpjegoi Rihanna.
Kujtojmë se në intervistën e fundit të mirëfilltë të saj, këngëtarja deklaroi se herë pas here i duket vetja si asistentja e bashkëshortit sepse ai vishet më mirë, ndaj duhet thënë se zgjedhja e saj për t’i bërë djemtë të duken bukur është më e mira që mund të bënte.
Në po të njëjtën intervistë, Rihanna pranoi se të gjithë mendojnë se djemtë e tyre i vesh Rocky, por në të vërtetë, këngëtarja i vesh vetë si babi i tyre.
Kujtojmë se A$AP Rocky dhe Rihanna janë bashkë prej 3 vitesh dhe kanë dy fëmijë, RZA Athelaston Mayers që ka lindur në 2022-shin dhe Riot Rose Mayers, i lindur në 2023-shin.
Artikuj të sugjeruar:
