Ajo e provoi sërish! Pasi nuk është e para herë që Dua Lipa zgjedh të kombinojë veshjet me ngjyrën e re të flokëve dhe të duket kaq bukur.
Mjaftuan disa foto që artistja ka postuar në Instagram nga një udhëtim në Spanjë, ku elementi i kombinimit është ai që ra menjëherë në sy. Dua ka zgjedhur një stil jo shumë të ngarkuar, por që bie në sy për detajet e veçanta në tërësinë e tij. Një minifund lëkure në ngjyrën e kuqe, i cili kombinohej me flokët në të njëjtën ngjyrë, por me onde.
Një triko e zezë sipër me kopsa argjendi, që zbulonte më shumë pjesën e bustit të këngëtares dhe një pallto e gjatë lëkure, aksesorë të mëdhenj me unaza prej floriri dhe një grim i shndritshëm te sytë dhe buzët më shkëlqim e bën këngëtaren një protagoniste absolute stili.
Fotot e tjera nga albumi që Dua zgjodhi të ndajë virtualisht me ndjekësit e saj, tregojnë çaste nga udhëtimi në Spanjë, ushqimet e preferuara, një gotë verë në dorë, ndërsa në disa në momente të tjera ajo ka preferuar një kapuç të bardhë në kokë me emrin e hitit të ri “Illision”.
View this post on Instagram
Kjo nuk është hera e parë që ylli i muzikës botërore kombinon veshjet me flokët e saj. Në nëntor, Dua i mahniti të gjithë në eventin e “Variety's Power of Women”, e veshur me një fustan me model korseje të ngushtë në ngjyrë të kuqe, identik me nuancën e re të flokëve asokohe. Ndërsa, në fillim të këtij viti gjatë premierës së filmit “Argylle”, Lipa veshi një fustan në nuancë të pupurt të thellë, njësoj si dhe ngjyra e flokëve të saj.
Artikuj të sugjeruar:
- Dua Lipa zbulon se kur do të publikohet kënga e re dhe data është shumë afër
- Surprizë! Dua Lipa zbulon emrin dhe datën e publikimit të albumit
- Dua Lipa në listën e grave me më shumë ndikim, sipas The Independent
- Dua Lipa ka vendosur t’u japë fund lidhjeve toksike, përfundimisht
- Dua Lipa do të të bindë të mbash gjithnjë me vete një bllok shënimesh
Burimi: Harper’s Bazaar
