Zyrtarisht nis lufta në Ukrainë: Rusia nis pushtimin
Rusia ka nisur pushtimin e Ukrainës nga Donbasi. Lajmi është konfirmuar nga Ministri i Jashtëm i Ukrainës Dmytro Kuleba. Përpos një publikimi në rrjete sociale ai tha se kreu rus, Vladimir Putin ka nisur "pushtimin e Ukrainës në shkallë të plotë". Në të njëjtën kohë, ministri i bën thirrje krerëve të botës që të përpiqen ta ndalojnë Putin-in të sulmojë.
Ky i fundit autorizoi një operacion ushtarak kundër Ukrainës mëngjesin e sotëm, me qëllim për të eleminuar atë që e quan "kërcënim serioz", duke thënë se qëllimi i tij është të çmilitarizojë fqinjin jugor të Rusisë.
Një veprim i tillë është cilësuar nga Kievi si shpallje lufte.
Shpërthime dhe të shtëna me armë u raportuan në Kiev dhe qytete të tjera. Të shtëna me armë zjarri u dëgjuan pranë aeroportit kryesor “Boryspil” në Kiev, menjëherë pasi Rusia njoftoi për operacionin.
Akulli i Groenlandës po shkrin në nivele serioze
Shtresa e akullit që mbulon Groenlandën po shkrin me shpejtësi në pjesën fundore të saj, duke lëshuar kështu më shumë ujë dhe akull në oqean nga sa ishte kuptuar deri më tani.
Sipas një studimi të publikuar tek CNN, kjo situatë mund të ketë pasoja serioze për rritjen e nivelit global të deteve. Studimi tregoi se në këtë proces shtresa e akullit të Groenlandës prodhon më shumë energji sesa 10 digat më të mëdha hidroelektrike të botës të marra bashkë.
Shkrirja e tij e shpejtë tregon se bota po gjendet përballë një humbjeje tejet të madhe, duke i bërë ekspertët të mendojnë se situata është edhe më problematike krahasuar me Antarktidën, pasi akulli deformohet me shpejtësi mjaft më të madhe.
Pallati mbretëror nxiton të mohojë lajmin e rremë se mbretëresha ka ndërruar jetë
Pas një thashethemi të pavërtetë që u përhap me shpejtësi në të gjithë botën, mediat britanike nxituan ta mohonin në mënyrë kategorike, duke thënë se mbretëresha Elizabeth është gjallë.
Një tabloid amerikan publikoi lajmin "ekskluziv" në të cilin thuhej se mbretëresha e Anglisë ka ndërruar jetë.
Mediat britanike nxitonin të konfirmonin sot se “mbretëresha është gjallë” në të kundërt të asaj që pretendonte mbrëmë një faqe e njohur thashethemesh në SHBA. Pavarësisht kësaj, autorët e lajmit të rremë dhe burimi ngulmonin tek teoria e tyre se mbretëresha është "e vdekur", por e mbajnë ende të fshehtë si informacion.
Në fakt, në rast të vdekjes së vërtetë të mbretëreshës, nis kalvari i telefonatave për informimin e anëtarëve të qeverisë, kryeminsitrit dhe zyrtarëve të tjerë më të lartë. Për vite me radhë është BBC media e parë që informohet për ngjarje të tilla e më pas të tjerat.
Ukraina thirrje Rusisë për ndalimin e pushtimit: "Kjo është toka jonë"
Presidenti ukrainas, Volodymyr Zelensky i bëri thirrje popullit rus që të ndalojë presidentin e tyre Vladimir Putin që të pushtojë Ukrainën, ndërsa fliste për lidhjet e ngushta midis dy kombeve. Ai tha se një sulm i papritur rrezikonte të bëhej “fillimi i një lufte të madhe në kontinentin evropian”.
“Kjo është toka jonë! Kjo është historia jonë! Për çfarë po luftoni dhe me kë? Shumë prej jush kanë qenë në Ukrainë. Shumë prej jush kanë të afërm në Ukrainë. Disa kanë studiuar në universitetet e Ukrainës. Disa janë bërë miq me ukrainasit. Ti e njeh karakterin tonë. Ju i njihni njerëzit tanë. Ju i dini parimet tona.”- është shprehur ai në deklaratën e fundit.
Në fund, ai paralajmëroi rusët se nëse ushtria e tyre pushton Ukrainën, kombi i tij do të mbrohej.
Burimi: CNN, The Guardian
