Rishtazi, kemi vënë re një qasje të personave publikë drejt natyrales dhe thjeshtësisë, në grim dhe në veshje. Disa prej vajzave të famshme kanë hequr filler-at dhe i janë rikthyer thjeshtësisë, veçanërisht Kylie dhe Kendall Jenner. Kjo e fundit u shfaq në një video të Vogue, ashtu si ndoshta kurrë s’e kishim parë: Pa grim, me quka, pa botoks dhe me ca thinja tek-tuk.
@voguemagazine Summer is on #kendalljenner's mind but first, she's sharing her guide to sun-kissed skin and her spring take on "French-girl makeup." Tap the link in our bio to watch the model's latest episode of Vogue's #BeautySecrets ♬ original sound - Vogue
Një vendim i tillë, sidomos për një nga vajzat e familjes që ka sjellë gjithnjë trende dhe në njëfarë mënyre ka caktuar edhe konceptet dhe standardet e bukurisë, është pa diskutim, një hap i madh dhe një ngjarje e shumëpërfolur.
Kendall tregon se si bëhet gati për të dalë dhe njerëzit u përqendruan te pamja e saj natyrale. Kendall fliste, bënte mimika, i dukeshin ca rrudha të këndshme, ca thinja dhe qukat e saj.
“Flokë gri dhe pa botoks? Jam gjithë sy e veshë”; “E dua shumë për këtë që po tregon! Flokë me thinja dhe lëkurë natyrale”; “Më në fund, Kendall e vërtetë!”; “Kjo është vërtet fantastike! Ajo është natyrale, pa filtra, ndërhyrje, botoks…”; “Kendall që duket si një vajzë e thjeshtë! Është e mrekullueshme”; “Shihni fytyrën e saj, teksturën e fytyrës, rrudhat e lehta. E adhuroj”; “Të dua Kendall! Për faktin që je kaq transparente, pa përdorur filtra dhe grim”, ishin disa prej komenteve në videon e publikuar në TikTok.
Duhet theksuar se qasja e re drejt natyralitetit i ka prekur edhe vajzat shqiptare. Luana Vjollca, Bora Zemani, Grida Duma, Megi Pojani, Alketa Vejsiu, Rozana Radi e shumë goca të tjera të ekranit kanë përqafuar veshje dhe grim më natyral, duke reflektuar më shumë origjinalitet në ekran dhe jo vetëm.
Artikuj të sugjeruar:
