Gjyqi për Truong My Lan, 67-vjeçarja vietnameze, e njohur si agjente dhe pronare e disa pronave, është dënuar me vdekje të enjten për vjedhje dhe mashtrim të një prej bankave më të mëdha në shtet prej 11 vitesh. Ky po konsiderohet si gjyqi më spektakolar i realizuar ndonjëherë në Vietnam, me zbulimin e mashtrimit më të madh të një banke në vend.
Ky verdikt është shumë i rrallë, pasi shumë pak gra janë dënuar me vdekje në Vietnam, sidomos për një krim të kësaj natyre.
Vendimi u mor për shkak të shkallës së lartë të vjedhjes. Sipas të dhënave, Truong My Lan ka zhvatur më shumë se 44 miliardë dollarë në formë kredie prej Saigon Commercial Bank.
Sipas autoriteteve komuniste, për të dëshmuar në çështje janë thirrur plot 2.700 njerëz dhe u përfshinë 10 prokurorë dhe më shumë se 200 avokatë. Provat u gjetën në më shumë se 104 kuti që peshonin rreth 6 tonë.
Të gjithë të akuzuarit u shpallën fajtorë dhe morën dënim me burg të përjetshëm, ose me 20 vite sipas shkallës së përfshirjes. Truong My Lan vjen nga një familje vietnameze që jeton në qytetin Ho Chi Minh, i njohur dikur si Saigon.
Ajo e nisi karrierën si një shitëse në pazarin e zonës, duke shitur produkte kozmetike me të ëmën dhe më pas nisi të blejë toka dhe prona pasi partia komuniste bëri një reformë të re ekonomike të njohur si Doi Moi në 1986-ën. Deri në vitin 1990, ajo ishte pronare e një linje hotelesh dhe restorantesh. Deri në 2011-ën, Truong My Lan ishte e njohur si një nga figurat më të rëndësishme të biznesit në qytetin e saj dhe u lejua të bashkëpunonte me 3 bankat më të njohura në vend të cilat ishin pjesë e etnitetit Saigon.
Ligji vietnamez e ndalon që një individ të mbajë më shumë se 5% të aksioneve apo kredive në bankat e vendit, por prokurorët thonë se Truong My Lan arriti të marrë në pronësi më shumë se 90% të aksioneve në Saigo Commercial, duke përdorur persona të tjerë dhe kompani të krijuara për të zënë vendin e saj.
Kreditë e saj zënë 93% të të gjitha kredive të shpërndara nga banka në fjalë. Sipas prokurorëve, për një periudhë prej 3 vitesh nga shkurti 2019, ajo urdhëroi shoferin e saj të tërheqë më shumë se 4 miliardë dollarë në cash nga banka dhe i ruajti në bodrum.
View this post on Instagram
Aq shumë para edhe nëse do ishin të ruajtura në kartmonedhën më të madhe të Vietnamit do peshonin të paktën 2 tonë. Truong My Lan po akuzohet për mashtrim dhe ryshfet ndaj shumë personave që i siguruan asaj të merrte gjithçka nga banka. Thuhet se vlerat e ryshfetit që ajo ka shpërndarë i kalon 5 milionë dollarë.
Njerëzit janë të shokuar, ndërkohë që gjyqi u bë publik dhe fotot e saj kanë pushtuar mediat. Por ajo që ngre më shumë pikëpyetje është fakti ses si një mashtrim kaq i madh mundi të bëhej për kaq shumë vite pa u kuptuar dhe pa dal në dritë deri tani.
