Gaza/ Lideri i Hamasit konfirmon se 3 djemtë e tij janë vrarë nga sulmet izraelite
Ismail Haniyeh, lideri i Hamasit, konfirmoi për mediat arabe se të tre djemtë e tij kanë mbetur viktima të në sulmi ajror në gaza. Hazem, Amir dhe Muhamed dhe disa nga nipërit e Haniyeh kanë vdekur gjatë një sulmi në kampin e refugjatëve në perëndim të Gazës.
Në rrjet qarkulluan disa imazhe të paqarta, që ndezën dyshimet për vdekjen e djemve të liderit. Këta nuk janë anëtarët e parë të familjes së Haniyeh që janë vrarë në luftë – një djalë tjetër thuhet se u vra në shkurt, ndërsa vëllai dhe nipi i tij u vranë në tetor, më pas, një tjetër nip gjeti vdekjen në nëntor.
Arizona/ Gjykata e Lartë miraton ndalimin e abortit
Gjykata e Lartë e Arizonës mori vendimin e ndalimit të abortit. Thuajse të gjitha abortet do të ndalohen në klinikat në mbarë vendin dhe ky vendim ka ndezur polemika të shumta në shpoqërinë civile.
Vendimi i gjykatës i jep fund thuajse të gjitha aborteve në vend dhe demokratët e kritikuan menjëherë vendimin, duke fajësuar ish-presidentin Trump për humbjen e aksesit në abort, pasi Gjykata e Lartë e SHBA i dha fund të drejtave të abortit në mbarë vendin dhe lejoi miratimin e ligjeve si ai i Arizonës, i cili hyri në fuqi në 1864-ën.
OKB do të diskutojë projektligjin për gjenocidin në Srebenicë
Projektrezoluta e cila sugjeron të shpallet 11 korriku si Dita Ndërkombëtare në Kujtim të Gjenocidit në Srebenicë, do të diskutohet nga Kombet e Bashkuara më 17 prill, në një takim me dyer të mbyllura. Në korrik të vitit 1995, forcat serbe të Bosnjës vranë mbi 8.000 burra dhe djem myslimanë në Srebrenicë. Krimi u shpall si gjenocid nga Gjykata Ndërkombëtare e Drejtësisë në Hagë.
Projektrezoluta thekson edhe rëndësinë e përfundimit të procesit të gjetjes dhe identifikimit të të gjitha viktimave të gjenocidit në Srebrenicë dhe bën thirrje për identifikimin dhe vazhdimin e ndjekjes penale të autorëve të gjenocidit.
Biden ngre tonet kundrejt Netanyah-ut: “Po bën gabim në Gazë!”
Joe Biden është treguar i ashpër ndaj Benjamin Netanyahu, kryeministrit të Izraelit, duke theksuar se për mënyrën se si po e trajton Gazën, po bën një gabim dhe se nuk është dakord me qasjen e tij.
“Unë mendoj se kjo që po bën ai, është gabim. Nuk jam dakord me qasjen e tij”, tha Biden në një intervistë për Univision. Ai shtoi se Gaza duhet të ketë “akses të plotë në të gjitha ushqimet dhe ilaçet” në gjashtë deri në tetë javët e ardhshme.
Gjithashtu, Biden e ka vënë si kusht mbështetjen e SHBA ndaj Izraelit. Ai u shpreh javën e kaluar se mbështetja e Shteteve të Bashkuara të Amerikës ndaj Izraelit do të varet nga lejimi i ndihmave në Gazë. Nga ana tjetër, Izraeli e mohon që të ketë ndërhyrë dhe të ketë ndaluar shpërndarjen e ndihmave, por akuzon OKB-në, duke thënë se agjencitë e saj kanë dështuar në këtë proces.
