Siç e do zakoni, Ilnisa ishte e ftuara e radhës në “Fun Club”, ku diskutohen ngjarjet në “Big Brother VIP Albania”, si dhe personat që lënë shtëpinë e famshme flasin ekskluzivisht, duke zbuluar detaje nga eksperienca brenda në shtëpi.
Ilnisa foli për shumëçka, duke nisur që nga ndjesitë e saj, marrëdhënien me Meritonin, raportin me familjarët e tij, si dhe për Eglën.
Ilnisa rrëfeu se i vjen keq që u largua: “Ishte një nga televotimet më të vështira”, u shpreh ajo, duke shtuar se është e lumtur që Meritoni është brenda dhe në njëfarë mënyre, e keqardhur që ajo është jashtë shtëpisë.
“Jam falenderuese për kohën që kalova, megjithëse si të thuash, kjo eksperiencë na mësoi se sa të vyera janë gjërat që nuk i vëmë re jashtë. Filmat librat dhe gjithçka tjetër na kanë mësuar se kundërshtari goditet në momentin e fundit. Mbase s’ishte momenti që unë të dilja, por ku i duhet”.
Moderatorja, Enxhi Nasufi, e pyeti nëse e priste që Meritoni të largohej pas eliminimit të saj dhe Ilnisa tha në mënyrë kategorike, nuk do ta lejonte që të ndodhte diçka e tillë. “Më prek kjo pjesë. Më vjen keq tani që po vija dhe e lashë fill në një bisedë ku Juli i kërkonte llogari dhe i thoshte se ai për dashurinë do të premtonte se do të dilte”, duke theksuar se është e tepërt për një lojë.
Referuar pengjeve të saj, brenda e Ilnisës lidhet pikërisht me Eglën:
“Mënyra se si Egla u kthye në një kryefjalë dhe lajtmotiv në të gjithë këtë eksperiencë më bën të heshtur. Më bën të mendoj: “A është ky modeli i dashurisë dhe njerëzores? Kështu do të shkojmë drejt Europës?”. (Nuk e dimë si mund të jetë zhvillimi i vendit mbi shpinën e Eglës, por gjithsesi…).
Ilnisa tregoi gjithashtu se është mbështetur shumë te Meritoni. “Ai është një model që vërtet më ka frymëzuar. Më erdhi një vetëpërmbajtje dhe kontroll. Unë jam shumë rebele në mendim dhe veprim”, u shpreh ajo, duke theksuar se Meritoni i dha një tjetër frymëzim, atë të durimit. “Në këto kushte të vështira, ti gjendesh përballë forcës që e çon botën përpara, përballë dashurisë”.
Ajo tha se është e dashuruar me Meritonin dhe nuk do të bënte asgjë për hir të një loje dhe një pakti. “Jam e dashuruar. Pranova gjithçka të mundshme dhe dola. Në fakt, nuk e di nëse ishte momenti, por s’besoj se ishte momenti që unë të dilja”, tha ajo dhe nënvizoi se ndonjëherë mund të jetë bërë xheloze për ndonjë situatë me Meritonin. “Këto ngacmimet e vogla mua më pëlqejnë”, u shpreh ajo për ndonjë debat që kanë pasur.
Sigurisht, e tha sërish se Egla është një lojtare e varfër, e cila nuk ka shkuar te vlerat apo dashuria.
A do të rikthehej Ilnisa në “BBVA 3”? E pret të vijë gjithçka, e manifeston në mënyrën e saj dhe se kjo do të ishte gjëja më e bukur që mund të ndodhte.
Artikuj të sugjeruar:
