Me fillimin e muajit prill, Mërkuri do të jetë në prapavijë në shenjën tënde. Prapavija nis që në datën 1 prill dhe përfundon në 25 prill, ndaj praktikisht, për gjithë muajin, ritmi i jetës do të jetë më i ngadaltë se zakonisht. Në të njëjtën kohë, Marsi do të jetë aktiv dhe planeti dominues, i cili së bashku me Saturnin, do të bëjnë maksimumin për të shtuar energjinë ngadalësuese për Mërkurin.

Gjatë gjithë prillit do të duhet të bësh lëvizje të kujdesshme, duke u siguruar që të kesh gjithë faktet dhe gjërat e duhura, për të ecur përpara. Prapa skenave do të ndodhin shumë gjëra, për të cilat ti momentalisht nuk je në dijeni, gjithsesi, për të marrë një vendim, kujtohu që duhet të kesh në dispozicion të dyja anët e monedhës. Bazohu në maturinë dhe mençurinë tënde. Shmangi supozimet, thashethemet e të tjerëve dhe qëndro i/e qetë derisa të mbërrish në një muaj më të mirë, siç është maji.

Mos u përpiq ta kundërshtosh ritmin e ngadaltë të këtij muaji dhe të përpejtosh gjërat, pasi vonesat do të të sjellin dobi, veçanërisht në aspektin financiar. Ti ke qenë një person i zënë qysh prej fillimit të këtij viti, ndaj tanimë ke nevojë për një pushim, i cili dukshëm, nuk është në dorën tënde. Do të kesh shtyrje afatesh, pasiguri në disa projekte dhe ndonjë buzëqeshje të sikletshme kur të pyesësh për një punë të lënë pezull. Gjithsesi, ji i/e lumtur me mënyrën se si po shkojnë gjërat dhe merre shtruar. Shumë shpejt do të kthehesh në normalitetin tënd dhe do ta kuptosh që reflektimi dhe kjo periudhë e ngadaltë të ka ndihmuar që të merresh me çështje, të cilat i ke lënë pas dore. Pavarësisht prapavijës së Mërkurit, sërish, prilli mund të jetë një muaj i rëndësishëm për ty, i mbushur me lajme të mira dhe ndonjëherë, edhe surprizuese.

Më 8 prill, do të ndodhë eklipsi në Dash dhe kjo periudhë do të jetë miqësore për ty. Ka gjasa që para teje të shfaqet një mundësi e re, interesante dhe intriguese, e cila mund të të bëjë të heqësh dorë nga një marrëdhënie apo situatë në të cilën je përfshirë. Nëse marrëdhënia është e qëndrueshme, mund t’i rezistojë kohës dhe të ketë përmirësime. Së bashku me Diellin dhe Hënën e re në shenjën tënde, si dhe me prezencën e Afërditës, do të mund të rifreskosh disa elemente të rëndësishme të pamjes tënde dhe të shijosh komplimentet e pafundme që do të marrësh. Nëse ditëlindja jote është afër eklipsit të 8 prillit (plus, minus 5 ditë), do të shohësh ndryshime të mëdha, thuajse radikale.

Më 19 prill, Marsi do të bëjë një bashkëveprim shumë të rëndësishëm me Jupiterin, duke të të treguar se vendimet e kujdesshme që do të marrësh gjatë këtyre ditëve mund të të çojnë në më shumë rritje dhe zhvillim, i cili, sigurisht do të përkthehet në më shumë përfitime. Do të nisësh ta ndiesh aspektin pozitiv që më 8 prill dhe do të jesh një ndër shenjat e preferuara të universit. Gjithçka që ke mbjellë, do të mund ta korrësh.

Gjatë këtij muaji do të jesh magnet parash dhe do të kesh goxha përfitime, të cilat mund të arrijnë kulmin më 20 prill, kur Jupiteri, planeti i fatit, do të jetë në të njëjtën linjë me Uranin, planetin e befasive. Ka gjasa që të marrësh lajme emocionuese që do të lidhen me financat. Gjatë këtij viti, ky moment i rëndësishëm do të jetë i pari për këtë vit. 19 prilli do të jetë edhe dita perfekte për të kërkuar rritje page. Nëse je i/e vetëpunësuar, do të rrisësh butë çmimet e produkteve dhe shërbimeve që ofron për klientët. Kjo ditë është aq e rrallë dhe e fuqishme për ty, ndaj duhet të përfitosh me patjetër, pasi Jupiteri dhe Urani nuk do të takohen më deri në shtator të 2037-ës. Nëse më 20 prill është ditëlidnja jote, brenda katër ditëve para kësaj date do të marrësh një dhuratë shumë bujare.

Nuk duhet të shmangësh kurrsesi shlyerjen e një borxhi apo kredie që ke, pasi mund të vijnë të papritura. Duket se do të jesh në gjendje të kesh shumë para, falë një metode të re, aspak tradicionale.

Sa i përket dashurisë, ky muaj i ngadaltë nuk e ka fokusin te ndjesitë, por te logjika. Dashuria do të ecë me ritme super të ngadalta, por sërish, nëse lidhja është e shëndetshme dhe e qëndrueshme, do të mund t’ia dalësh që ta mbash personin në fjalë në jetën tënde.

Ky do të nisë si një muaj i qetë, sidomos nëse krahasohet me atë që të pret në maj, një muaj i mbushur me aktivitete dhe përparime emocionuese në aspekte të ndryshme. Shumë planete do të vijnë në shenjën tënde deri atëherë dhe Jupiteri nuk do të rikthehet në shenjën tënde. Përpara se ai të lëvizë, planete të tjera jo me aq shumë ndikim do të mblidhen sërish te Demi për të të ndihmuar që të përfitosh sa më shumë nga ditët e veçanta të prillit.

Mërkuri do të jetë në prapavijë nga 1 prilli deri më 25 prill, ndaj ditët në vijim për ty do të lidhen me planifikimin dhe meditimin e thellë, frytet e së cilëve do t’i shohësh në maj. Spoiler: Për ty, maji do të jetë muaji më i lumtur dhe produktiv për këtë vit. Ndërkohë, në prill, do të kesh gjithë kohën e duhur që të përgatitesh për vazhdimësinë dhe ngjarjet më të rëndësishme të vitit. Megjithatë, mos na keqkupto: Do të përjetosh ditë të bukura edhe në prill.

Më 8 prill do të ndodhë një eklips i Hënës së re dhe mund të të zbulojë një lajm ose një sekret që të është mbajtur i fshehur për një kohë shumë të gjatë. Kjo mund të lidhet me një çështje që e ke lënë pas dore, ose s’i ke kushtuar rëndësi, me apo pa qëllim. Tanimë, eklipsi do të të bëjë t’i kushtosh më shumë vëmendje dhe do të të tregojë të tjera detaje, të cilat në njëfarë mënyre do të ndriçohet nga drita e hënës. Ky lajm nuk do të të vijë në mënyrë të rastësishme, përkundrazi, do të të ndihmojë të zgjidhësh një situatë që prej kohësh nuk të ka bërë sens.

Ky eklips do të të sjellë në vëmendje dhe shëndetin tënd mendor dhe fizik. Kjo është periudhë perfekte për të bërë një vizitë te psikologu, mjeku apo dentisti, për të bërë analiza dhe ekzaminime që ndoshta nuk i ke bërë prej kohësh, për shkak se ke qenë i/e zënë. Nëse ndien se shëndeti yt mendor po rëndohet, mos hezito të shkosh tek terapisti. Fatmirësisht, prilli është një muaj që të ofron mjaftueshëm kohë, ndaj do të bësh mjaftueshëm takime.

Prilli do të kujdeset për një aspekt të rëndësishëm e me shumë gjasa, do të të sjellë një shans që do të ndodhë veç një herë në jetë. Do të ndodhë afër 20 prillit, kur Jupiteri bashkohet me Uranin, planetin e surprizave, i cili sjell lajme të bujshme, të papritura dhe të paparashikueshme. Jupiteri, nga ana tjetër, sjell lumturi, fat dhe zhvillim. Gjatë këtij muaji, çdo Dem do të kesh arsye të ndryshme për t’u gëzuar, sidomos pas ngjarjeve të pazakonta që do të të shfaqen para. Nëse ke lindur afër datës 12 maj, do të kesh më shumë fat.

Hëna e plotë në Akrep më 23 prill do të sjellë në vëmendje një partner të ngushtë, të përkushtuar në dashuri apo biznes. Kjo do të jetë një periudhë e ndritur, ku ti mund të takosh një person të rëndësishëm, ose një bashkëpunëtor që do të të ndihmojë shumë. Shtëpitë e tua të karrierës do të ndriçohen edhe nga Plutoni, i cili në një bashkëveprim me Hënën, do të fokusohet në shtëpitë e tua të martesës dhe partneritetit. Kjo Hënë e plotë do të nxjerrë në dritë këndvështrimet e ndryshme që ti ke me njerëzit dhe dallimet e ideve e opinioneve në sferat profesionale.

Mund të ndiesh presion për të pranuar këndvështrimin e personit të zemrës, ose mund të pranosh se jeni në një ngërç. Gjej një mënyrë kreative për t’i zgjidhur gjërat dhe jepi drejtim. Përndryshe, universi do ta bëjë për ty, por në mënyrën e vet.

Copyright Anabel.al / Ndalohet ribotimi pa lejen e redaksisë.