Social Buzz

Gocat në TikTok tregojnë se ç’ndodh kur ndahen nga partnerët që u sigurojnë të ardhurat

Shkruar nga Anabel

4 Prill 2024

Gocat në TikTok tregojnë se ç’ndodh kur ndahen nga
Getty

Nëse e përdor TikTok-un, nuk ka si të kenë shpëtuar videot e vajzave që rrinë në shtëpi dhe merren me gjithçka bën një zonjë shtëpie, por te videot në fjalë vihet theksi te fakti që ato janë të dashurat e dikujt, i cili punon dhe siguron të ardhurat.

Me më shumë se 37 milionë shikime, këto video pëlqehen, ndiqen dhe komentohen pa fund. Aq vëmendje ka marrë ky trend sa që New York Post dhe The Wall Street Journal i dedikuan artikuj duke e trajtuar si “jetën e synuar nga brezi Gen Z”.

Por siç shumë persona në komente kanë deklaruar, jeta e një të dashure që rri në shtëpi është e rrezikshme dhe e paqëndrueshme.

“Është bukur derisa ai ndahet nga ti”, shkruajnë disa. Ndaj është momenti të flasim për këtë trend.

“Nëse i jep dikujt fuqinë të të ushqejë, ai do ketë edhe fuqinë për të të lënë të uritur”, kështu shprehet një vajzë e njohur në TikTok që 3 vite të jetës i kaloi si “e dashura që rri në shtëpi”.

Influencuesja Bella Greenlee thotë se nuk e sugjeron këtë zgjedhje dhe shpjegon se është me fat që ishte e re kur nisi atë jetë, pasi kur marrëdhënia mbaron, ajo ka mundësinë ta nisë jetën nga e para.

Praktikisht, nuk është asnjëherë zgjedhja më e mirë që të varësh jetën tënde në duart e dikujt tjetër. Kushdo qoftë ai/ajo.

Bella, thekson se pavarësia financiare është më e rëndësishmja për çdo vajzë dhe grua, teksa thekson se atë vetë, ndarja e la mes 4 rrugëve.

Duke i shtuar eksperiencës edhe dhimbjen e ndarjes si faktor emocional, influencuesja pranon si ajo eksperiencë i mësoi shumë.

Psikologët nga ana tjetër theksojnë se marrëdhënie të tilla që kanë në bazë paratë përdoren për të dominuar personin pa të ardhura. Kjo dominancë, në rastin më të keq, ndiqet nga një keqtrajtim dhe abuzim emocional dhe fizik, po ashtu ka gjasa të kthehesh në një viktimë që nuk largohet dot prej marrëdhënies.

Artikuj të sugjeruar: