Megan Fox ndryshoi flokët e saj rozë, duke i zëvendësuar me bojëqielli. Aktorja publikoi një album me foto, me modelin e saj bob dhe zbuloi se ka eksperimentuar me një ngjyrë tjetër.
Fox, e cila njihet për guximin e saj me flokët, këtë herë mori shumë komplimente për pamjen e saj dhe shumë komentues u frymëzuan për të provuar të njëjtën ngjyrë. “Pashë që Megan ka lyer flokët blu, ndaj do i lyej dhe unë”; “Një yll”; “Ok Megan, më frymëzove”; “Një mrekulli”; “Drejt parukerisë për të lyer flokët blu”, ishin disa nga komentet në llogarinë e saj në Instagram.
Megan, e cila nuk i ndal ndryshimet në pamjen e saj, pranoi në podkastin “Call Her Daddy” javën e kaluar se ka bërë operacion gjoksin dhe hundën disa vite më parë.
Rishtazi, Megan është në qendër të vëmendjes, për shkak të lidhjes së saj me Machine Gun Kelly. Lidhja e tyre vijon të jetë në një fazë të vështirë, tha një burim pranë çiftit për People. “Një ditë janë mirë, të nesërmen janë keq”, u shpreh një burim për People.
“Ka shumë probleme me besimin dhe marrëdhënia është shumë toksike”, tha burimi, duke shtuar: “Ata nuk mund të qëndrojnë larg njëri-tjetrit dhe kanë shumë histori bashkë, por gjithashtu, nuk dinë si të jenë në një marrëdhënie romantike. Ata mund të jenë shumë mirë, një ditë më vonë ndodh një sherr i madh dhe nuk flasin për ditë më radhë, derisa pajtohen dhe i japin prapë dashuri njëri-tjetrit”.
Dyshja u lidh në vitin 2020. Ata u takua në setin e “Midnight in the Switchgrass” dhe e kanë shpjeguar më parë se marrëdhënia e tyre ishte intense. “S’e kam ditur më parë se ç’është dashuria, derisa sytë tanë u takuan. Ky ishte momenti kur thashë “Uau”. Rashë në dashuri për herë të parë”, tha ai në intervistën “The Howard Stern Show” (2020).
