Lizzo, jo vetëm nuk do heqë dorë nga muzika, por nuk ka ndërmend të dorëzohet edhe pse pati një skandal ku u akuzua për ngacmim seksual nga kërcimtaret e saj.
“Dua ta bëj këtë video për të sqaruar se kur thashë ‘heq dorë’, doja të thoja se kam hequr dorë nga vëmendja që i kam dhënë energjisë negative. Sigurisht që nuk do heq dorë nga lumturia ime më e madhe në jetë që është të bërit muzikë dhe të qëndruarit në kontakt me ju. Dhe e di që nuk jam vetëm. Në asnjë mënyrë apo formë, nuk e besoj se nuk ka njerëz të tjerë që po përjetojnë të njëjtën situatë si unë”, u shpreh këngëtarja.
Lizzo vazhdon më tej duke deklaruar se nëse ndihmon sikur vetëm një njeri të kujtojë se nuk duhet t’i japë forcë dhe pushtet komenteve negative, atëherë ajo e ka bërë punën e saj.
“Do vazhdoj të jem vetvetja dhe të eci para”, e mbyll fjalën ajo.
Të premten, vetë Lizzo deklaroi se po lodhej nga kjo situatë që po e vinte në pozitë në jetë dhe punë, ndaj tha se hiqte dorë. Tani i përgënjeshtroi deklaratat më këtë sqarim të dytë.
Këngëtarja është përballur me kritika publike të forta prej kohës kur tre kërcimtare nga trupa e saj ngritën një padi ku deklaronin se Lizzo krijon një ambient pune toksik dhe se i ka ngacmuar seksualisht. Sipas detajeve, ajo ka kërkuar sjellje të papërshtatshme nga secila prej tyre duke përfshirë veprime me performuesit nudo dhe lodra seksi, në një udhëtim që kanë bërë në Amsterdam.
Artikuj të sugjeruar:
