Nick Cannon dhe Abby De La Rosa zbuluan se djali i tyre Zilion është diagnostikuar me autizëm. Çifti i njohur e zbuluan lajmin të martën në Ditën Ndërkombëtare të Autizmit, duke rrëfyer se 2-vjeçari është diagnostikuar pak kohë më parë.
“Djali ynë i bukur e sheh jetën në 4D dhe kjo na mëson diçka të re çdo ditë! Dashuria e tij, fuqia dhe zgjuarsia ndriçon çdo dhomë ku ai hyn. Jemi të bekuar që Zoti e vendosi këtë shpirt të bukur nën kujdesin tonë dhe duam të themi se e pranojmë sfidën me gjithë shpirt”, shkruajnë ata.
Më tej, Cannon and De La Rosa theksuan se e ndanë këtë lajm pikërisht në ditën dedikuar autizmit për të shtuar vëmendjen dhe kujdesin ndaj personave që i përkasin spektrit autik.
“Le të krijojmë një botë më të mirë mirëkuptimi dhe dashurie”, e mbyllën fjalën ata, në video e postuar ku shfaqen të tre fëmijët.
Aktori dhe gruaja e tij kanë tre fëmijë, binjakët Zion dhe Zillion dhe vajzën Beautiful 16-muajshe.
Artikuj të sugjeruar:
