Përdorimi i inteligjencës artificiale në depistimin e kancerit të gjirit është po aq i mirë sa dy radiologë, zbulon studimi

Përdorimi i inteligjencës artificiale në ekzaminimin e kancerit të gjirit është i sigurt dhe pothuajse mund të përgjysmojë ngarkesën e punës së radiologëve, sipas studimit më gjithëpërfshirës në botë të këtij lloji.

Kanceri i gjirit është kanceri më i përhapur globalisht, sipas Organizatës Botërore të Shëndetësisë, me më shumë se 2.3 milionë gra që e kanë këtë sëmundje çdo vit.

Depistimi mund të përmirësojë prognozën dhe të zvogëlojë vdekshmërinë duke dalluar kancerin e gjirit në një fazë më të hershme dhe më të trajtueshme. Rezultatet paraprake nga një studim i madh sugjerojnë se ekzaminimi i inteligjencës artificiale është po aq i mirë sa dy radiologë që punojnë së bashku, nuk rrit rezultatet false dhe pothuajse përgjysmon ngarkesën e punës.

Polonia dërgon trupa në kufi, duke akuzuar Bjellorusinë për shkelje të hapësirës së saj ajrore

Polonia ka dërguat trupat në kufirin e saj lindor pasi akuzoi Bjellorusinë, aleatin më të ngushtë të Rusisë, për shkeljen e hapësirës ajrore të saj me helikopterë ushtarakë. Ushtria bjelloruse mohoi çdo shkelje të tillë dhe akuzoi Poloninë, një anëtare e NATO-s dhe një nga mbështetësit më të zjarrtë të Ukrainës në konfliktin e saj me Rusinë, se shpiku akuzën për të justifikuar një grumbullim të trupave të saj.

Udhëheqësi i Bjellorusisë, Alexander Lukashenko, më herët talli Poloninë për praninë e mercenarëve rusë të grupit Wagner pranë kufirit të tyre të përbashkët.

Shkalla e lindjeve në Ukrainë bie si pasojë e pushtimit rus, tregojnë të dhënat

Shkalla e lindjeve në Ukrainë ka rënë me 28% që nga fillimi i luftës, sipas të dhënave të reja, me 38,324 foshnja më pak të lindura në vend në gjashtë muajt e parë të këtij viti krahasuar me vitin 2021, përpara se Rusia të pushtonte.

Nivelet e lindjeve kanë rënë me 7% në vit që nga viti 2015, sipas kompanisë ukrainase të analizës së të dhënave, OpenDataBot, mirëpo rënia nga 2021 në 2023 është më e madhja që kur Ukraina fitoi pavarësinë në vitin 1991.

OpenDataBot raporton se mesatarisht 16,000 foshnja lindnin në muaj, krahasuar me 23,000 foshnja të lindura çdo muaj përpara pushtimit të Rusisë.

Franca nis evakuimin e qytetarëve të saj dhe europianëve të tjerë nga Nigeri

Franca ka nisur evakuimin e qytetarëve të saj dhe europianëve të tjerë nga Nigeri, disa ditë pasi një junta rrëzoi presidentin, Mohamed Bazoum, dhe mori pushtetin në vendin e Afrikës Perëndimore (junta - një grup ushtarak ose politik që sundon një vend pasi ka marrë pushtetin me forcë).

Tensionet midis Nigerit dhe ish-fuqisë koloniale Francës janë përshkallëzuar pasi grushti i shtetit më 26 korrik përmbysi një nga udhëheqësit e fundit pro-perëndimorë në rajonin Sahel të Afrikës.