Mbrëmja e sotme e “BBVA 3” lajmëroi skualifikimin e Ilnisës dhe Meritonin pas një zarfi të zi që hyri për ta në shtëpi.
Pasi dolën nga dera kryesore, moderatori i programit, Ledion Liço, i kërkoi çiftit të qëndrojnë në një dhomë të zezë ku dolën dhe njoftoi se të dy (nëse do pranonin) do kenë mundësinë të hyjnë në dhomën e bardhë ku për 48 orët e fundit ka qëndruar Egla. Tashmë treshja e shumëpërfolur do të qëndrojnë bashkë deri në një vendim të dytë që përfshin publikun.
Ky vendim e çoi numrin e “të skualifikuarve” nga “BBVA 3” në tre persona, brenda 48 orëve.
Ngjarjet që sollën në këto vendime të njëpasnjëshme ishin përplasjet e vazhdueshme të Meritonit dhe Ilnisës me Eglën. Kjo e fundit u largua nga shtëpia pak orë pasi i derdhi verë në kokë dhe fytyrë Meritonit.
Vetëm dje u zbulua se Egla nuk ishte larguar vërtet nga shtëpia, por ishte zhvendosur në një ambient shumë pranë banorëve të tjerë. Ambienti është “dhoma e bardhë”, e cila u aktivizua për herë të parë.
