Sarah Jessica Parker është e vendosur të mos i lejojë vajzat të kenë të njëjtën marrëdhënie që ajo ka pasur me ushqimin teksa rritej. Aktorja tha në podcastin “Ruthie’s Table 4” se qëllimisht i nxit binjaket Tabitha dhe Marion që të kenë raport më të mirë ndaj dietës ushqimore.
“Kur u bëra me vajza kisha vendosur që t’u mësoja të mos e shihnin ushqimin si armik, si të keqen e gjithçkaje. Mua nuk më lejoheshin biskotat dhe ëmbëlsirat kur isha e re”, u shpreh protagonistja e “Sex and The City”.
Ndaj aktorja pranon se kur iku nga shtëpia me vëllezërit e motrat, të gjithë blenë pafund çokollata.
“Në shtëpinë tonë ne kemi gjithçka. Vajzat e mia do duken siç duan dhe uroj të jenë të shëndetshme. Të dyja janë tipa atletike, por e shijojnë ushqimin”, u shpreh Parker.
Sarah Jessica Parker dhe Matthew Broderick i sollën vajzat në jetë në 2009-ën, pas djalit më të rritur, James.
