Rebel Wilson, në një intervistë për People, i tregoi botës e e ka humbur virgjërinë në moshën 35-vjeçare. Ajo tha se më shumë rreth kësaj teme ka treguar në librin e saj me kujtime, “Rebel Rising”, por gjithashtu, shpreson se përmes rrëfimit të saj, të japë një mesazh pozitiv.
Aktorja 44-vjeçare tha se ajo do që të tjerët ta dinë se nuk kanë pse ta humbasin virgjërinë në adoleshencë.
“Njerëzit mund të presin derisa të jenë gati, ose të jenë pak më të matur. Mendoj se ky mund të jetë një mesazh pozitiv. Ti, qartazi, nuk ke pse të presësh deri tek të 30-at si unë, por nuk ke pse ta ndiesh presionin gjatë viteve të rinisë”.
Wilson pranoi se si një adoleshente dhe e re që ishte ende e virgjër, detyrohej t’u bënte bisht bisedave të tilla. Sot, ajo është e fejuar me Ramona Agruma dhe tregoi se nëse do të lindte 20 vite më vonë, do të eksploronte më shumë me seksualitetin e saj.
“Thjesht e dija që tërhiqesha nga burrat dhe se kjo ishte një gjë normale. Kur nisa të isha më e hapur me veten, mbase pas humbjes së babit, kuptova se edhe pse e kisha parë martesën si diçka të tmerrshme dhe humbje kohe, nisa të isha më e hapur drejt saj. Disa vite më vonë, takova gruan që më bëri të kisha ndjenja për gratë”, tha ajo, referuar lidhjes me partneren e saj.
Në shtator të 2022-shit, Rebel, përmes një postimi në Instagram zbuloi se kishte gjetur “dashurinë e jetës”.
View this post on Instagram
"Mendova se po kërkoja për një princ të Disney-t… por ndoshta ajo që më duhej vërtet gjatë gjithë kësaj kohe ishte një princeshë Disney”, shkroi në mbishkrimin e fotos, shoqëruar me zemra, ylber dhe hashtag-un #loveislove.
Përpara se të lidhej me Ramona-n, Wilson kishte një marrëdhënie me biznesmenin dhe trashëgimtarin e Anheuser-Busch, Jacob Busch për më shumë se dy vjet, përpara se të ndaheshin në shkurt 2021.
