Princesha e Uellsit njoftoi dje përmes një videoje se është diagnostikuar me kancer pas operacionit abdominal në fillim të këtij viti. “Kanë qenë dy muaj tepër të vështirë për të gjithë familjen tonë, por unë kam pasur një ekip fantastik mjekësh që janë kujdesur shumë për mua, për të cilët jam shumë mirënjohëse,” u shpreh kështu në mesazhin e saj, Kate Middleton.
View this post on Instagram
“Në janar, unë iu nënshtrova një operacioni abdominal dhe në atë kohë mendohej se masa e hequr ishte jo kanceroze. Operacioni ishte i suksesshëm. Megjithatë, testet pas operacionit zbuluan se kanceri ishte i pranishëm. Prandaj ekipi im mjekësor më këshilloi që duhet t'i nënshtrohem një kimioterapie parandaluese dhe tani jam në fazat e para të këtij trajtimi,” vazhdoi ajo.
Miliona njerëz nga çdo cep i botës e kanë parë videon e princeshës, teksa shumë syresh kanë pyetur se çfarë është kimioterapia parandaluese dhe si funksionon.
"Kimio parandaluese përdoret pasi kanceri fillestar hiqet, në përpjekje për të ulur rrezikun e rikthimit të tij," thotë Marleen Meyers, mjeke onkologe dhe drejtore e programit të mbijetesës ndaj kancerit në Langone Perlmutter Cancer Center në New York University.
“Ne shpesh e japim këtë lloj trajtimi në përpjekje për të zhdukur qelizat mikroskopike që nuk mund të shihen në skanime, por mund të rriten nëse nuk trajtohen. Pavarësisht kurimit të kancerit, mund të ketë një rrezik të lartë të përsëritjes, kështu që duket të përdoret kimioterapia parandaluese. Kjo mund të bëhet në kancerin e gjirit, vezoreve, zorrës së trashë etj”.
Ndryshe, kjo njihet edhe si një kimioterapi ndihmëse dhe është e vërtetuar shkencërisht se kombinimi i saj me kirurgjinë përmirëson shanset e jetëgjatësisë në shëndet të plotë dhe pa mundësi rikthimi të sëmundjes.
Artikuj të sugjeruar:
