Modelja Emily Ratajkowski, e cila u nda nga bashkëshorti i saj Sebastian Bear -McCalrd në shtator të 2022-shit, pas 4 vitesh martesë, ka vendosur të festojë kapitullin e ri të jetës së saj me dy unaza gjigante, prej diamanti.
Ajo i emërtoi diamantet “unaza divorci” duke nisur një trend të ri vetëm me një foto seksi, nga krevati. Unazat e prodhuara veçanërisht për EmRata, ngjajnë me ato të fejesës, por modelja ka vendosur t’i shohë ndryshe duke e zgjedhur divorcin si një arsye për të festuar me dhurata të shtrenjta ndaj vetes.
Detaji që mori shumë komente ishte edhe vendosja në gishta të unazave, një prej të cilave modelja e kishte vendosur në gishtin e vogël të dorës. Prodhuesit e unazave deklaruan për People se EmRata e ka zgjedhje personale këtë detaj, duke theksuar se edhe kur ishte e martuar, unazën e mbante në gishtin e vogël.
Modelja dhe ish-bashkëshorti i saj janë prindër të një djali 3 vjeç dhe ndarja e tyre nuk ka qenë dhe aq paqësore, pas pretendimeve se ai e ka tradhtuar në mënyrë të përsëritur.
Artikuj të sugjeruar:
