Ashtu si gjithë pjesa tjetër e botës virtuale, me trendin e teorive konspirative që ende qarkullojnë për vendndodhjen dhe 'zhdukjen' e Kate Middleton, duket se edhe Kim Kardashian është përfshirë në këtë situatë me teorinë e saj.

Kim postoi një foto në Instagram, e veshur me pantallona lëkure, një bluzë të shkurtër dhe flokë bjonde, duke marrë kësisoj rolin e një detektivi privat, ndërsa krahas fotos shkroi: “Rrugës për të gjetur Kate”!

Duket se ky postim nuk u mirëprit nga njerëzit që nuk i kursyen komentet e rastit për qëndrimin e Kim ndaj situatës së Kate Middleton. Kujtojmë se kjo e fundit iu nënshtrua një operacioni në bark në muajin janar dhe prej asaj dite, princesha e Uellsit nuk i është rikthyer zyrtarisht angazhimeve zyrtare si pjesë e familjes mbretërore. Teoritë konspirative rreth vendndodhjes apo zhdukjes që pretendohet për Kate janë nga më të çuditshmet, por me sa duket edhe postimi i fundit i Kardashian i shtoi jo pak “benzinë zjarrit” në gjithë këtë situatë.

Reagimet e njerëzve ishin nga më të ndryshmet, disa syresh e pritën me humor postimin, e të tjerë e quajtën Kim thjesht të pandjeshme.

“Nuk është për t’u çuditur se si një personazh i famshëm që thotë se i urren thashethemet, por përhap vetë të tilla,” shkroi një komentues. “Bota është e ndarë në dy pjesë, në ata që jetojnë për të dhe të tjerë që me siguri do e urrejnë pas këtij postimi,” shtoi një tjetër person. "Kim, zemër, s'është momenti për shaka"; "E dua, ka shumë humor", u shprehën të tjerë komentues.

Artikuj të sugjeruar: 

Burimi: Instyle