Blero Muharremi, në një intervistë në “E diela jonë” ka folur pak më gjatë për akuzën e Linda Halimit, se disa vite më parë ai e ka ngacmuar seksualisht, ndërsa ende ishte martuar me Teuta Krasniqin. Blero u shpreh se e ka falur Lindën, por nuk e ka harruar deklaratën e saj:

“Kur një njeri e ka mizën pas veshit fillon e argumenton dhe bërtet, kjo gjë nuk ndodhi me mua. Le të jetë e përgjegjësinë e secilit. Secili ka edukatën e vetë deri ku do të shkojë, unë s’do kisha guxuar për të shpikur një gjë të tillë siç bëri Lindita”, u shpreh këngëtari.

Më tej, ai vijoi:

“Brenda mendova që kjo po e bën për lojë, për t’u ngritur, por kur dola jashtë pashë që jo vetëm që nuk është ngritur, por është ulur. Ajo e ka bërë për vëmendje por kjo është një vemendje e keqe. Jam njeri që fal, por nuk harroj kurrë”.

Ç’ka thënë saktësisht Linda?

Gjatë qëndrimit të tyre në “BBVK 2”, Linda tha se Blero e ka ngacmuar seksualisht, ndonëse ishte burrë i martuar:

“Kur kam punuar në emisionin e Teuta Krasniqit, Blero më ka sjellë te hoteli ku rrija pas xhirimeve dhe si burrë i martuar, insistoi të vijë lart te dhoma e hotelit me mua. E mban mend shumë mirë ti. Më ke thënë: “A mundemi të pimë nga një gotë verë e të rrimë te dhoma e hotelit?”. Është e vërtetë, të betohem në Zot”, këmbënguli ajo. Blero menjëherë i mohoi këto pretendime.

Linda nuk u ndal, por u shpreh se Blero e kishte ngacmuar edhe brenda shtëpisë së famshme: “Ka ardhur në shtrat me mua dhe Ganinë me të brendshme. Edhe ka thënë: “Nuk guxon askush të të flasë sepse jam unë këtu. Unë t’i heq bateritë. Hajde, flasim, rrimë e flemë këtu”, aludoi këngëtarja. Blero u përgjigj se e gjitha është një rrëmujë koti dhe se asaj duhet t'i vinte turp për këto akuza.

Linda, për hir të së vërtetës, ka akuzuar shumë njerëz se “e kanë ngacumar”, duke nisur që nga Blero, Domenik, Azem (ish-konkurrentë në “BBVA 3”), si dhe Ledri Vulën.