Admiruesit e vërtetë të modës e dinë se tapeti i kuq i ceremonisë së çmimeve Oscar është vendi ku shpalosen trended më IN të modës dhe sytë e gjithë botës janë te veshjet që kanë zgjedhur personazhet e famshëm, nga fustanet, te këpucët, aksesorët vezullues të diamantit, modelet e flokëve etj.
Por, ndërsa vëmendja është te detajet, ndodh rrallë që dy goca të famshme të përputhen në shijen e asaj që kanë veshur, pra me pak fjalë të vishen në mënyrë identike. Ky është rasti i Kim Kardashian dhe Emily Ratajkowski-t. Të dyja ishin të ftuara në festën pas çmimeve Oscar në Beverly Hills dhe të dyja kishin zgjedhur një fustan të bardhë, me dizajn gati sculpture, pjesë e koleksionit pranverë/verë 2024 të Jacquemus.
Një model fustani që nxjerr në pah hiret e Kim dhe Emily-t, i ngushtë pas trupit, plotësisht i hapur në pjesën e pasme që e bën edhe më sensuale pjesën e kurrizit, me detajin e një vello që shtrihet në skajin fundor të fustanit.
Pjesa më e veçantë është struktura asimetrike në pjesën e gjoksit që zgjatet bashkë me një pjesë të tylit që shkon deri në fund të fustanit. Për të plotësuar stilit, supermodelja dhe Kim Kardashian zgjodhën vathë diamanti, tone nude të make up-it dhe buzëkuq mat. Sipërmarrësja e SKIMS, preferoi të njëjtin model fustani, por nga Balenciaga.
Theksimi i pjesës së dekoltesë dhe elementi gati skulpturor i pjesën së parme të fustanit në ngjyrë të bardhë bën që vajzat të shkëlqenin me pamjen e tyre në këtë festë.
Ndonëse identike në veshje, grim dhe stilin e flokëve, ato arritën ta “vidhnin” vëmendjen e të pranishmëve në festë sepse duken thjesht magjepsëse!
Artikuj të sugjeruar:
Burimi: Marie Claire
