Kylie Jenner është shumë e zënë për t’u marrë me thashetheme dhe kjo përfshin edhe spekulimet për ndikimin e Timothée Chalamet në ndryshimin e dukshëm të stilit të saj.
“Nuk di si të ndihem për këtë. Thjesht nuk flas për gjëra personale”, tha Kylie në një intervistë për The New York Times. Por pranoi se e vetmja gjë që sheh në rrjete sociale janë reagimet për produktet e biznesit të saj.
Kylie i shmangu të gjitha komentet për lidhjen me aktorin e njohur, një raport i cili duhet thënë se ka qenë goxha privat në krahasim me lidhjet e saj të mëparshme. Madje, ka pasur teori se ky raport është i sajuar për efekt promovimi.
Sa i përket pamjes së re të Kylie, e cila po habit botën me ndryshimin drastik me thonj të pastër, pa grim (ose natyrale) dhe fustane të thjeshtë, Kylie thotë se për të ndikon mëmësia.
“Kur kam bërë fëmijë më është dashur ca kohë të kthehem te vetja dhe sapo bëhem mirë, kuptoj që trendet kanë ndryshuar”, ka shpjeguar sipërmarrësja.
Artikuj të sugjeruar:
