The New York Times ka analizuar listën e pretendentëve kryesorë për çmimet Oscar dhe bazuar në analizën e kritikës, por edhe publikut online, ka publikuar filmat dhe aktorët që parashikohet të fitojnë.
Për filmin më të mirë, fitues mund të shpallet “Oppenheimer”, i cili në garë me “American Fiction”, “Anatomy of a Fall”, “Barbie”, “The Holdovers”, “Killers of the Flower Moon”, “Maestro”, “Past Lives”,Poor Things” dhe “The Zone of Interest”.
Regjisori më i mirë po ashtu pritet të shpallet Christopher Nolan me “Oppenheimer”. Nolan është konsideruar si një nga më të mirët e gjeneratës së tij.
Për aktorin më të mirë, New York Times, sërish favorizon “Oppenheimer” dhe aktrimin e Cillian Murphy.
Aktorja më e mirë, thuhet se do shpallet Lily Gladstone nga “ Killers of the Flower Moon”.
Të dielën ceremonia do mbahet live dhe bota i ka sytë nga çmimet, e cila edhe këtë vit nuk mbeti pa debate dhe kritika të hapura, sa i përket “përjashtimit” të regjisores së “Barbie” (Greta Gerwig) dhe mungesës së emrit të Margot Robbie në kategorinë “Aktorja më e mirë”.
Artikuj të sugjeruar:
