Fillimi i muajit mars të gjen të zhytyr në mendime. Shumë planetë janë grumbulluar në shtëpinë tënd të 12-të të privatësisë dhe kjo të jep shansin të mendosh dhe të reflektosh për të ardhmen. Saturni, planeti i cili ka si detyrë të të japë leksione të reja, po rrotullohet pranë Diellit në shenjën e Peshqve dhe kjo do të thotë se do t’i marrësh më seriozisht qëllimet e tua në jetë.

Kjo, sigurisht, është një shenjë e mirë dhe tregon se me shumë gjasa, synimet do të realizohen. Do të arrish të shprehësh idetë dhe kreativitetin tënd në një mënyrë kuptimplotë dhe artistike. Marsi është periudha kur ti lulëzon, je i/e gatshëm/me dhe i/e aftë për të bërë punë më të vështira dhe për të krijuar diçka të re dhe inovatore. Do të fitosh më shumë para dhe ka të ngjarë që të marrësh merita dhe shpërblime monetare.

Në çështjen e dashurisë dhe të romancës, do të mendosh se detyrat që po të paraqiten do të jenë të vështira. Megjithatë, do të gjesh rrugën e duhur për të kaluar sfidat që do të të vijnë përballë. Kjo është një fazë paksa kaotike, por je një person i vetëdijshëm se për të pasur një marrëdhënie përmbushëse, duhet të kesh qëllime të denja, përqëndrim dhe të bësh përpjekje të vazhdueshme për të kënaqur veten dhe personin tjetër.

Jeta gjatë këtij muaji do të ketë si kryefjalë punën, por duke qenë se Marsi dhe Afërdita janë në një pozicion të mirë në Ujor, do të kalosh më shumë kohë me miqtë e zemrës. Mund të duash të rrish në shtëpi, pranë familjarëve, por në fakt, është më mirë të dalësh. Miqtë do të të bëjnë oferta joshëse për t’u bashkuar me aktivitetet e tyre dhe është mirë që t’i pranosh, pasi është e sigurt që do të argëtohesh. Marsi, sundimtari yt, të jep kohën e duhur për pushim dhe romancë.

Një eklips hënor më 25 mars, do të ndodhë në Peshore dhe kjo të sjell një vendim të ri në lidhje me një person që ka një pozicion të spikatur në jetën tënde, qoftë në dashuri ose në biznes. Mund të jetë një partner romantik me të cilin ke një lidhje serioze. Eklipsi do të të ndihmojë të rivlerësosh marrëdhënien. Sa i përket një ortaku, eklipsi të nxit të bashkosh forcat me të dhe të nënshkruash së shpejti një kontratë.

Me Neptunin nuk do t’i kesh punët shumë mirë, ndaj mos supozo shumë mbi origjinën apo karakterin e këtij personi. Nëse futesh në ujërat e paragjykimit, do ta kesh të vështirë të dalësh. Jupiteri, planeti i fatit të mirë, do të jetë në marrëdhënie të mirë me Afërditën dhe për aq kohë sa do të dëgjosh intuitën dhe do ta kesh vështrimin të kthjellët, do të arrish suksesin.

Ki parasysh që eklipset sjellin ndryshime dhe zhvillime të mëdha në shtëpinë ku kanë më shumë ndikim. Këtë muaj, romanca është në fokusin e eklipsit, ndaj bëhu gati për një hap të rëndësishëm. Nëse je beqar/e, fokusi do të zhvendoset te marrëdhëniet e biznesit.

Nëse ke një partner/e i/e cili/a ka shumë rëndësi për ty, por rishtazi je i/e pakënaqur, mund të gjesh gjuhën e përbashkët dhe të rimëkëmbësh raportin. Në rast se nuk ka rikuperim, gjej forcën dhe largohu.

Jupiteri, planeti i fatit, të nxit të mendosh për gjëra të mëdha. I dashur Dem, dëshirat mund të realizohen, ndaj mos e ndal imagjinatën. Gjithçka ti mendon, mund të bëhet realitet. Ti ke pritur për plot 12 vite për ta pasur Jupiterin në shenjën tënde dhe ky është një privilegj i jashtëzakonshëm, pasi ky planet të ndihmon të arrish gjërat që ti i kërkon më ëndje. Mund të punosh me një klient të ri prestigjoz, të biesh në dashuri, ose të blesh shtëpinë e ëndrrave. Cilado qoftë dëshira jote, thjesht puno për të, ndërsa Jupiteri bën pjesën e vet.

Ti nuk ke qenë kurrë personi që i shmanget punës, sado e lodhshme të jetë ajo. Njihesh si një shenjë që shfaq përpjekje të vazhdueshme dhe të qëndrueshme në realizimin e projekteve dhe e njëjta tendencë do të vijojë edhe këtë muaj. Jupiteri do të bashkohet edhe me planetin e befasive, Uranin dhe kjo do të sjellë për ty një gëzim të papritur dhe me shumë gjasa, një shpërblim monetar.

Në punë, mund të jesh njohur me persona të rëndësishëm, të cilët duket se janë të mahnitur nga magjia e punës dhe karakterit tënd. Ti je një shenjë kreative që ke goxha imagjinatë, sidomos për mënyrën se si i qasesh punës tënde, ndaj nuk është aspak çudi që shkëlqimi yt të bjerë në sy të njerëzve. Me Plutonin në shtëpinë tënde të nderimeve, arritjeve dhe shpërblimeve, do ta kesh më të lehtë të shprehësh idetë e tua. Mos i fshih ato, sado të çmendura të duken, pasi ke një mundësi të rrallë për të gdhendur emrin në projekte të rëndësishme.

Hëna e re e datës 10 mars do të të rikthejë te një mik/e që ka rëndësi në jetën tënde. Ky person mund të të kërkojë ndihmë dhe sigurisht, ti do të jesh gati për ta ndihmuar.

Eklipsi i 25 marsit në shenjën e Peshores do të mbërrijë në sektorin tënd të punës, kështu që ke një detyrë: Të punosh fort për ta përfunduar një projekt që ka shumë rëndësi për të ardhmen. Kushtoji vëmendjen e duhur elementeve të ndryshme të këtij projekti, të cilat e bëjnë edhe më interesant. Stili, imagjinata dhe shija jote mund ta çojnë në një tjetër nivel projektin. Puna jote do të vihet re dhe kjo do të të ndikojë edhe në shpërblimet e tjera gjatë vitit.

Në periudhën e eklipsit, bëj kujdes për shëndetin, pasi je duke i dhënë shumë energji punës dhe duke shkurtuar kohën e pushimit dhe gjumit. Kështu, do të ulësh imunitetin e trupit dhe do të sëmureshmë shpesh.  Mbaje trupin dhe mendjen të shëndetshme, duke u kujdesur më shumë për veten dhe duke i folur asaj me dashuri.

Jeta jote sociale, gjatë kësaj periudhe do të lulëzojë. Edhe pse do të kesh shumë punë, sërish do të jesh pjesë e eventeve me miqtë dhe do të kalosh çaste të paharrueshme, ndoshta edhe një romancë magjepsëse, e cila do të vijë si rezultat i prezentimit që do të të bëjë një person i afërt me atë që mund të jetë edhe shpirti yt binjak në të ardhmen.

Copyright Anabel.al / Ndalohet ribotimi pa lejen e redaksisë.