Një ditë të bukur, Billie Eilish fjeti, pa në ëndërr aktorin Christian Bale, u zgjua dhe vendosi të ndahej me ish-in.
“Para ca vitesh pashë një ëndërr me Christian Bale. Ishim në një kafene të vogël ku binte dielli dhe kjo më bëri të kuptoj se duhet të ndahesha nga i dashuri”, tha Billie në një intervistë për Amelia Dimoldenberg.
Më pas, këngëtarja e “Bad Guy”, shtoi se kur u zgjua, i thirri mendjes dhe vendosi t'i jepte fund lidhjes.
Megjithatë, ajo s’tregoi për cilin ish-të dashur bëhej fjalë, për Jesse Rutherford, me të cilin ishte e lidhur për rreth 7 muaj dhe u nda në maj të vitit 2023, apo për Matthew Tyler Vorce, me të cilin ishte lidhur para Jesse.
Natyrisht, nuk përjashtohet që ta ketë pasur për ndonjë ish tjetër, lidhjen me të cilin s’e ka bërë publike. Nejse, rëndësi ka që kushdo qoftë, nëse s'e ka ditur arsyen, tani e mori vesh dhe mendojmë se nuk ndihet dhe aq mirë.
Artikuj të sugjeruar:
