Në çdo marrëdhënie, mosmarrëveshjet dhe konfliktet janë të pashmangshme. Por, ajo që i dallon marrëdhëniet e shëndetshme nga ato toksike është mënyra sesi menaxhohen dhe zgjidhen konfliktet. Një aspekt kritik i zgjidhjes së konfliktit është të kuptuarit e "gjuhëve luftarake" të ndryshme që përdorin individët gjatë debateve.
#1 Devijimi
Një taktikë e zakonshme, por që mund të jetë e dëmshme në një marrëdhënie...Kur një partner shmanget gjatë një mosmarrëveshjeje, ai/ajo anashkalon çështjen qendrore, duke futur tema palidhje ose duke ia hedhur fajin personit tjetër. Kjo mund të çojë në mungesë zgjidhjeje dhe një grumbullim të konflikteve të pazgjidhura me kalimin e kohës.
#2 Shtypje-Shpërthim
Shtypja dhe shpërthimi është një stil konflikti ku partneri/ja i mban emocionet dhe shqetësimet derisa të arrijë një pikë kthese, për të kaluar më pas në një reagim shpërthyes. Ky model mund të jetë i dëmshëm pasi krijon një mjedis tensioni dhe paparashikueshmëri. Studimet tregojnë se përpjekja për të shtypur emocionet jo vetëm që dështon në planin afatgjatë, por në të vërtetë mund të përkeqësojë emocionet negative me kalimin e kohës.
#3 Konfrontim agresiv
Konfrontimi agresiv është një stil konflikti i karakterizuar nga komunikimi armiqësor dhe konfrontues, duke përfshirë të bërtiturat dhe sulmet personale. Ky model mund të jetë veçanërisht i dëmshëm pasi gërryen besimin dhe krijon një mjedis armiqësor. Konfrontimi agresiv shpesh buron nga mungesa e aftësive të komunikimit ose çështjet e pazgjidhura mes një çifti.
Artikuj të sugjeruar:
Burimi: Forbes
