Ka shumë mënyra si një person shfaqet edhe si mik/e. Mund të jetë shoku/shoqja jote më e mirë që del me ju çdo të premte, një mik që ju kthen gjithnjë mesazhet në kohë reale, një tjetër që ju fton shpesh për darkë në familje etj. Por, një mik që shkon përtej të gjitha këtyre stadeve, shpesh konsiderohet si pjesëtar i familjes dhe ju e shihni si të tillë. Ata janë gjithmonë pranë jush kur ndiheni mirë ose keq dhe ju i gëzoheni një raporti që shkon përtej varësisë, ndaj shpesh i shihni si motrat apo vëllezërit tuaj.
Në horoskop, ka tre shenja specifike që dallojnë për këtë cilësi, duke i vlerësuar miqtë si pjesë të familjes dhe kjo për disa arsye.
Gaforrja
Është e lehtë të jesh mik me një Gaforre, pasi kjo shenjë Uji e konsideron nënën tuaj si të vetën dhe dijeni se do të shfaqet në shtëpinë tuaj për çdo ngjarje të rëndësishme, nga ditëlindjet te festat.
Të lindurit e kësaj shenje nuk janë lloji i personave që kanë një grup të madh miqsh, pra ata janë përzgjedhës për njerëzit që i konsiderojnë të tillë. Ashtu si një vëlla apo një motër, një Gaforre do t'ju shpëtojë nga situatat e vështira dhe ata kurrë nuk do t’ju gjykojnë. Konsiderojeni veten me fat nëse jeni mik/e e një Gaforreje.
Peshorja
Pasi të hyni në rrethin e brendshëm të Peshores, ata do t'ju trajtojnë si familje, përgjithmonë. Kjo shenjë Ajri sundon shtëpinë e shtatë të marrëdhënieve personale, kështu që të gjitha miqësitë e tyre i qëndrojnë provës së kohës. Ata dinë të jenë mendjehapur dhe japin këshillat më të mira për ju në çdo situatë. Peshoret do të qëndrojnë pranë jush dhe në situatat më të vështira, sepse ata e dinë se një mik nuk është vetëm për ditë të mira.
Shigjetari
Gjithmonë mund të mbështeteni te një Shigjetar për të bërë gjëra mes miqsh. Ata vijnë pa pyetur në shtëpinë tuaj, hapin frigoriferin pa drojë dhe sillen sikur janë në shtëpinë e tyre, sepse ata thjesht ndihen komodë në shoqërinë tuaj.
Si një shenjë Zjarri, Shigjetari do të jetë gjithmonë i hapur dhe i sigurt me ju, gjë që shpjegon pse i tregoni njëri-tjetrit gjithçka, përfshirë sekretet që fshihen në skutat tuaja më të thella.
Artikuj të sugjeruar:
Burimi: Bustle
