Chiara Ferragni dhe Tomaso Trussardi mund të jenë në një lidhje. Ky ishte lajmi që po qarkullonte si thashethem për disa ditë në mediat italiane. Deri në momentin kur “ANSA” mori një prononcim nga stafi i sipërmarrësit të njohur që e mohoi lidhjen në mënyrë kategorike.
“Chiara dhe Tomaso as nuk e njohin njëri-tjetrin. Ata janë takuar vetëm një herë në një sfilatë mode para 5 a 6 vitesh”, u shprehën burimet pranë Trussardi.
Lajmet për një lidhje mes tyre nisën të qarkullojë para se të flitej për largimin e Fedez nga shtëpia e çiftit. I pari që hapi fjalë për këtë çift të mundshëm ishte Davide Maggio, një blogger që konsiderohet ekspert i thashethemeve të showbiz-it.
Të dy po e mohojnë lidhjen shkruajnë mediat italiane, por në 2022-shin, flitej për një miqësi të mirë mes Chiara-s dhe trashgimtarit të shtëpisë së modës Trussardi.
Sipas mediave, asokohe, sipërmarrësi u nda nga partnerja dhe Ferragni ishte mikesha që e ngushëlloi me sinqeritet. Thashethemet për këtë temë kanë arritur deri në pikën ku është thënë se Fedez ndihet i acaruar dhe dyshon shumë te raporti miqësor i bashkëshortes dhe Tomaso, ndërkohë që të dyja palët kanë nxituar të mohojnë lidhjen duke përdorur palë të treta.
Chiara Ferragni dhe Fedez kanë javë që përfliten për një divorc të mundshëm dhe krizë të thellë në martesën e tyre.
