Gjatë javës që kaloi u publikua më në fund seriali i ri “Avatar: The Last Airbender” që trajton historinë shumë të famshme të serialit me të njëjtin titull, i krijuar si serial i animuar.
Adhuruesit e tij janë të shumtë dhe menjëherë ka pasur reagime për këtë prodhim të Netflix. Si fillim, duhet theksuar se kjo nuk është tentativa e parë për të realizuar Avatarin live-action. Disa vite më parë, u bë një tentativë për të krijuar një film me të njëtin titull që përmblidhte historinë, por komentet për të qenë shumë negative.
Ky rikrijim i Netflix është parë si një mundësi për të rregulluar reputacionin e këtij filmi. Fansat momentalisht kanë komentuar me shumë kritika efekte vizuale në greenscreen dhe CGI, gjithashtu, shumë prej tyre nuk bien dakord me ndryshimin e linjës së ngjarjeve në disa pjesë.
“Do thoja të shikosh seritë origjinale nëse ke mundësi për t’i parë, ky prodhim nuk ia vlen”, shkruan dikush në X.
“Prodhimi origjinal i Avatar është një serial vizatimor i mrekullueshëm që mbetet në memorie për leksionet që të jep. Nëse do të shohësh një version të keq të tij me këtë CGI skandaloze, shiko këtë serial të ripunuar”, thotë një tjetër.
“Nuk mendoj se versioni me njerëz i Avatar është i keq, por ndryshimi i historisë dhe disa sekuenca ku duket punimi i keq grafik e shkatërrojnë çdo gjë”, shkruan një tjetër.
Avatar trajton historinë e një djaloshi murg që ka në dorë fatin e botës dhe zotëron 4 elementët krijues të botës: Tokën, Zjarrin, Ujin dhe Ajrin.
