Seritë më të reja të “Harry Potter” kanë nisur të krijohen dhe më në fund, ka një afat kohor për nisjen e transmetimit të tyre.
Sipas “The Hollywood Reporter”, viti 2026 do të shënojë publikimin e tyre në Max. Lajmi për krijimin e serive u bë publik në prill të 2023-shit dhe pritet të jetë një dekadë i gjatë si prodhim televiziv.
Sigurisht, edhe ky serial do jetë një risjellje televizive e librit të njohur dhe do të ndjekë ngjarjet e romaneve të publikuara nga 1997-a deri në 2007-ën.
CEO i Warner Bros, David Zaslav, ka zbuluar se së fundmi është takuar me shkrimtaren J.K. Rowling dhe të dy janë të emocionuar për projektin.
Ndërkohë, fansat shpresojnë që treshja e famshme Daniel Radcliffe, Rupert Grint dhe Emma Watson të jenë pjesë e serive, por ende nuk ka një konfirmim prej tyre për përfshirjen në këtë projekt.
Daniel ka thënë në korrik se nuk ka ndërmend ta marrë shkopin magjik në duar sërish, të paktën jo tani afër.
“Nuk besoj se do duhet Harry i vjetër në seritë e reja. I uroj fat kujtdo që do e bëjë dhe jam i lumtur ta kaloj shkopin tim te dikush tjetër”, ka thënë në një intervistë për këtë temë Radcliffe.
Artikuj të sugjerim:
