Në këto momente duhet të ngadalësosh ritmin, pasi Hëna e plotë në Virgjëreshë do të ndriçojë qiellin e 24 shkurtit për të të bërë të kesh nevojë për t’u larguar pak nga kaosi që të rrethon. Hëna lidhet me dëshirat dhe motivimin dhe këtë herë do të bashkëveprojë me Mërkurin dhe Saturnin.
Dashi
Aftësitë e tua do të shkëlqejnë gjatë 24 shkurtit. Ajo që ti duhet të bësh është të shkëputesh nga ideja se duhet t’u plotësosh dëshirat të gjithëve. Merr njohuri dhe mençuri nga përvojat e tu dhe largohu nga mendimi se jeta jote varet nga të tjerët.
Demi
Ji pak më i/e qartë, nëse po argëtohesh apo po mendon mbi detajet e vogla që nuk të sjellin asnjë të mirë. Gjatë Hënës së plotë, do të përqendrohesh më shumë në investimet dhe pasionet e tua. Ndoshta duhet të gjesh diçka të re që të pëlqen, ta llastosh veten pa menduar për kostot. Të duhen energji të reja, ndaj karikohu dhe vazhdo.
Binjakët
Është mirë që gjatë kësaj periudhe të çlirohesh nga idetë se duhet të jesh gjithë kohës në lëvizje dhe të përqendrohesh më shumë në shtëpinë tënde. Pushimi s’është kurrë gabim dhe është mëse okay që të gjesh paqen shpirtërore dhe të rrish pak larg rrjeteve sociale. Merru me veten dhe rikthehu kur të jesh gati.
Gaforrja
Është një dhunti që të jesh një person kaq i/e kujdeshëm/shme sa ti, por kujdes me analizmin e çdo situate, nëse nuk do ta stresosh dhe mërzitësh veten. Të gjithë, fundja, kanë pasiguritë dhe betejat e tyre, ndaj merre me ngadalë kritikën ndaj vetes. Fokusohu te gjërat që do të zhvillosh dhe bëj përpara.
Luani
Luan, ti e di shumë mirë se çfarë beson dhe çfarë pëlqen, ndaj nuk të hyjnë në punë mendimet e të tjerëve. Jo gjithçka që shkëlqen është ar, ndaj peshoji fjalët që të thonë dhe nëse të shërbejnë merri në konsideratë.
Virgjëresha
Ti mund ta thuash të vërtetën, edhe nëse të dridhet zëri dhe ke frikë nga pasojat. E vërteta të bën të lirë dhe për një shenjë kaq të drejtë sa ti, është mision i pamundur të mos thuash atë që mendon. Shiko me vigjilencë gjërat që ndodhin vërdallë dhe gjej momentin e duhur për t’u shprehur.
Peshorja
Ti humb në botën tënde logjike, të mbushur me fakt dhe analiza, por ndonëse je një Peshore, e ke paksa të vështirë t’i besosh intuitës. Besoji më shumë asaj, lidhu me të dhe gjej ekuilibrin mes parandjenjës dhe racionales. Kjo është perfekte për ty.
Akrepi
Mjaft mendove më shumë seç duhet për marrëdhëniet shoqërore. Ti ke potencialin të forcosh çdo lidhje, por shpeshherë ankthi se mos mbetesh vetëm dhe lëndon të tjerët të kaplon. Hëna e plotë të nxit të thuash mendimet e tua dhe të mos mendosh se ç’do të ndodhë, pasi nuk ke si ta dish.
Shigjetari
Puna nuk është gjithnjë prioritet. Ke shumë suksese dhe gjëra që të krenojnë, ndaj shijoji. Mjaft mendove për email-et e padërguara, një gabim të vogël që mund të kesh bërë dhe shijo jetën. Në fund, puna jote mbetet e përkryer, edhe nëse ke bërë ndonjë gabim shpejtësie. Mos e lër stepjen të të largojë nga mundësitë fantastike.
Bricjapi
Ndonjëherë është shumë e vështirë që ti t’i tregosh botës se s ai/e aftë je, apo sa shumë njohuri ke në një fushë të caktuar. Mund të ndihesh sikur nuk të dëgjojnë e nuk të kuptojnë, por kjo nuk do të thotë të dyshosh te vetja. Edhe nëse gjërat shkojnë pak keq, sërish do të marrin drejtimin e duhur, sapo ti të mësosh nga përvoja.
Ujori
Ndjeshmëria vjen kur shprehesh. Ti mund të shqetësohesh për refuzimin apo dhimbjet e zemrës, nëse e hap veten dhe tregon emocionet e tua. Të garantojmë se nuk ka vend për panik, pasi sido që të shkojë, biseda e vërtetë sjell gjithnjë çlirim dhe pjekuri.
Peshqit
Do ta gjesh veten të lidhur me të tjerët. Nuk e ke idenë se sa shumë të mira mund të jenë nisur për tek ti, derisa ta lejosh mundësinë të të trokasë në derë. Lër vend për shanse të reja dhe përmbushëse dhe mjaft e gjykove veten në çdo hap.
