Ata janë emrat më të njohur të showbiz-it botëror, me pasuri marramendëse dhe karrierë të suksesshme. Por secili e ka pasur në mendje dhe një plan dytësor nëse aktrimi, kënga, apo arti i çdo forme nuk do rezultonte një sukses për ta.
Courtney Cox: Aktorja e “Friends” ka pranuar se se do ishte bërë shitëse pishinash nëse nuk do kishte pasur sukses si aktore. I ati kishte një biznes të tillë dhe sipas vetë rrëfimit të Cox, ajo ishte mjaft e mirë në shitje. Nëse nuk do kishte marrë telefonatën për të bërë debutimin e parë si aktore, sot Courtney do ishte shitëse.
Miley Cyrus: Këngëtarja ka pranuar se ëndrra e saj ka qenë të bëhet fotografe, madje donte të studionte në një shkollë arti në Londër për ta ndjekur si pasion.
Jennifer Aniston: “Me siguri do isha doktoreshë, sepse jam e mrekulluar nga trupi i njeriut”, ka thënë aktorja në një intervistë në 2011-ën.
Justin Bieber: Me dëshirën më unike, Justin ka thënë se nëse nuk do ishte bërë i famshëm me siguri do ishte bërë austronaunt, sepse do të shkojë në hapësirë dhe për të qielli nuk është limiti.
Taylor Swift: “Do isha detektive ose një arkitekte e hapësirave të brendshme”, ka thënë Taylor kur u pyet për karrierën e saj nëse nuk do kishte pasur sukses në muzikë. Dhe me bindje, Swift ka thënë se do ishte shumë e mirë si detektive.
George Clooney: Dëshira më e madhe e aktorit ka qenë të bëhet një lojtar bejsbolli. Aq shumë e ka dashur këtë karrierë sa ka tentuar të futet në një skuadër kur ishte adoleshent.
Tom Cruise: Po të mos ishte për ofertat në aktrim, Tom do ishte një prift. Ai kishte nisur të studionte për t’u bërë prift, madje ka qëndruar për 1 vit në një seminar për kishën, para se të linte çdo gjë për Hollywood.
Sofia Vergara: Nëse nuk do kishte lënë shkollën në dy semestrat e fundit, Sofia do ishte një dentiste sot.
Ashton Kutcher: Para se të bëhej model dhe aktor, Kutcher ishte i vendosur të bëhej një inxhiner bio-mjekësor sepse shpresonte të kuronte vëllanë e tij binjak Michael nga sëmundja e zemrës që kishte.
Zayn Malik: Këngëtari ishte i zoti për të qenë një mësues dhe nëse nuk do kishte suksesin e tanishëm, kjo mund të ishte karriera e tij, me diplomë në gjuhë angleze.
