Me siguri që keni dëgjuar për teorinë e thonjve të zi, me pak fjalë ideja e një nuance që rrit vetëbesimin. Por, ky është momenti që t’ju prezantojmë me teorinë e re, atë të thonjve të kuq. Një trend që po gjen rritje në TikTok (ku tjetër?) me goca që po zgjedhin nuancën e kuqe, vishnje apo tullën e theksuar për thonjtë e tyre.
Por, çfarë është teoria e thonjve të kuq?
Me fjalë të tjera, është e kundërta e teorisë së thonjve të zinj. Në vend të idesë së sigurisë dhe autoritetit të personit, ideja e thonjve të kuq shkon përtej kësaj. Më saktë është një ftesë e pastër për njohje dhe takime të reja. Ndonëse kjo teori nuk mbështetet nga shkenca, ne mund t’i referohemi teorisë së ngjyrave. E zeza lidhet me ndjenjat e fuqisë dhe autoritet, po e kuqja, çfarë nxit?
@tamtheinfluencer Red nail theory #rednailtheory ? original sound - TAM THE INFLUENCER
E kuqja simbolizon dashurinë dhe pasionin, të dyja janë ndjenja të forta për çdo grua. Një ngjyrë e kuqe është mjaft tërheqëse dhe mund të jetë një fillim bisede e përzier me elegancë dhe finesë.
Nëse dëshira juaj është që thonjtë e kuq të bien në sy, atëherë përdorni tone më të guximshme, si atë të verës së kuqe apo vishnjën e theksuar.
Një ftesë e pastër për pasion dhe njohje të reja, pse jo!
Artikuj të sugjeruar:
Burimi: Pure Wow
