Grindavík, Islandë
Tym dhe llavë që burojnë nga një shpërthim vullkanik në periferi të qytetit Grindavík. Banorët e qytetit janë evakuuar, ndërsa rrjedha e llavës dëmtoi tubacionet e ujit me bazë termike në jug të Reykjavik, duke ndërprerë furnizimin me ujë të nxehtë për më shumë se 20,000 njerëz. Agjencia e Mbrojtjes Civile ngriti alarmin për gjendje emergjence.
Gaza
Një grua kërkon për sendet e saj nga mbetjet e ndërtesave, të shkatërruara nga sulmet ajrore izraelite në rrugën “al-Mukhabarat”.
Sake, Republika Demokratike e Kongos
Njerëzit largohen nga territori i Masisi-t, pas përleshjeve midis rebelëve të M23 dhe forcave qeveritare. Konflikti po bëhet edhe më i rrezikshëm, pas trazirave që po zgjasin me ditë të tëra dhe kanë lënduar dhjetëra persona.
Kiev, Ukrainë
Banorët shohin zonën e dëmtuar nga raketat ruse. Lufta në Ukrainë është bërë më e ashpër, për shkak se Rusia ka shtuar sulmet me dronë dhe raketa, të cilat kryesisht e kanë prejardhjen nga Irani.
Rafah, Gaza
Një fëmijë palestinez sheh shtëpinë e tij të dëmtuar, pas një sulmi ajror izraelit në Rafah. Benjamin Netanyahu, presidenti izraelit, hodhi poshtë kushtet e propozuara nga Hamasi, për vendosjen e një armëpushimi në Gaza. Ndërsa SHBA, tanimë ka ngritur tonin kundrejt Izraelit, duke i bërë thirrje shtetit të gjejë një zgjidhje më të shpejtë dhe duke mos e mbështetur në sulmet në Rafah, në rast se nuk sigurohet mbrojtja e popullsisë.
Abidjan, Bregu i Fildishtë
Një i ri gjuan në portë, ndërsa luan futboll në një fushë me pluhur.
Dakar, Senegal
Fëmijët luajnë e argëtohen në afërsi të plazhit.
Rafah, Gaza
Një bombardim izraelit tronditi njerëzit në Rafah. Benjamin Netanyahu konfirmoi se Forcat e Mbrojtjes Izraelite kanë marrë urdhër për të nisur operacionin në Rafah, ku aktualisht strehohen 1.4 milionë njerëz, të zhvendosur nga i gjithë territori i Gazës.
Rafah, Gaza
Një grua kundron nga dritarja e një shtëpie të shkatërruar pas bombardimeve izraelite. Qysh prej 7 tetorit të vitit 2023, në Gaza janë vrarë mbi 27,000 palestinezë dhe janë lënduar më shumë se 67,000 të tjerë. Dëmi në Gaza është masiv, pasi janë rrafshuar lagje, janë shkatërruar shkolla, spitale dhe institucione fetare, ndërsa shumica dërrmuese e popullsisë është detyruar të largohet nga shtëpia. Për më tepër, Gaza po përballet me një krizë të thellë humanitare dhe pjesa më e madhe e popullsisë është në prag të urisë dhe etjes.
San Bernardino, Kaliforni
Zjarrfikësit shpëtojnë një grua nga një kamp i njerëzve të pastrehë, i cili u rrethua nga përmbytjet e lumit Santa Ana. Moti i rënduar la pas shkëtërrim, teksa pati vërshime të shumta, erëra të forta dhe shi të rrëmbyeshëm. Shumë pemë u rrëzuan dhe rrëshqitjet e dheut dëmtuan shtëpitë dhe groposën automjetet. Nga e gjithë kjo katastrofë, 3 persona humbën jetën, si pasojë e rrëzimit të pemëve.
Burgos, Spanjë
Fermerët protestojnë dhe kërkojnë kushte të drejta për sektorin e bujqësisë.
Port-au-Prince, Haiti
Njerëz të ndryshëm duke grabitur një supermarket gjatë protestës për dorëheqjen e kryeministrit të vendit, Ariel Henry.
San Vicente, El Salvador
Oficerët të armatosur patrullojnë brenda burgut, në rast se ndodh ndonjë rebelim. Presidenti i El Salvadorit, Nayib Bukele, fitoi në zgjedhjet presidenciale gjatë kësaj jave, duke rritur shpresat se do të goditen grupet kriminale dhe do të transformohet siguria në vend.
Hatay, Turqi
Një grua fotografohet mbi varrin e një personi të dashur, viktimë e tërmetit të kaluar. Një vit më parë, një tërmet me magnitudën 7.8 goditi jugun e Turqisë. Më pas, një tjetër tërmet, me magnitudë 7.5 shkaktoi shkatërrime të mëdha në Turqi dhe Siri. Në total, më shumë se 50,000 njerëz humbën jetën.
Quilpué, Kili
Një burrë përpiqet të shuajë një vatër zjarri. Numri i viktimave nga zjarret në Kilin qendror është rritur ndjeshëm. Më shumë se 130 njerëz kanë ndërruar jetë dhe më shumë se 300 të tjerë janë zhdukur.
Viña Del Mar, Kili
Shtëpitë në foto janë shkatërruar nga zjarri në lagjen “El Olivar”, si pasojë e një vale të nxehti që ka prekur Kilin, Argjentinën dhe pjesë të tjera të Amerikës së Jugut.
Antarktidë
Një balenë duke dhënë shfaqje në oqean, e fotografuar nga një ekip shkencëtarësh turq, të cilët po kryejnë një ekspeditë në Antarktidë.
Santa Cruz de Tenerife, Spanjë
Corina Mrazek Gonzalez shpallet “Mbretëresha e karnavaleve”.
Anosy, Madagaskar
Ky fshat i ndodhur në Madagaskarin jugor është përballur me mungesa ushqimore që lidhen me ndryshimet klimatike. Në vend ka rënë shumë pak shi, ndërsa fenomeni El Niño po përhapet, duke shtuar rrezikun e përkeqësimit të urisë.
Aba, Kinë
Pandat gjigante shijojnë pije freskuese në qendrën e ruajtjes dhe kërkimit “Shenshuping”.
