Platforma e TikTok-ut ka një prirje për të vetë-diagnostikuar çdo qasje apo tendencë të re që qarkullon dhe që merr vëmendjen e miliona njerëzve në të gjithë botën. Etiketimi “maniakët e pastrimit” ka mbi tetë milionë shikime, teksa tregon shpërthimet e rastësishme të energjisë te njerëzit në rregullimin me shpejtësi të shtëpisë dhe ambientit të përditshëm.
Në pamje të parë, duket si një qasje e padëmshme, por sipas ekspertëve, etiketimi i kësaj sjelljeje si “maniake” mund të ketë disa efekte anësore.
Keqpërdorimi i termit "maniak" në internet nuk është diçka e re. Mjeku psikiatër Aron Tendler shpjegon ndryshimin e vërtetë midis një sjelljeje maniake dhe një rituali pastrimi të shëndetshëm.
Çfarë është mania?
Ky është një moment kur njerëzit mund të bashkohen dhe të ndajnë përvojat e tyre ndaj një sëmundjeje ose çrregullimi të vërtetë mendor. Por, ekspertët shqetësohen kur kjo sjellje qarkullon në rrjete sociale për të etiketuar një fenomen apo prirje të caktuar. Termi “maniak” lidhet me çrregullimin bipolar, i njohur si sëmundje maniako-depresive; një çrregullim i trurit që shkakton ndryshime të paparashikueshme në gjendje, energjinë dhe aftësinë e një personi për të funksionuar.
@b0btaildog that hurt my legs so bad 😭 #grwm #fyp #cleantok #cleaning #ootd #roomtour #relatable ♬ kai bomboclaat - 6’2 with dreads btw
Çfarë janë maniakët e pastrimit?
Fenomeni në TikTok i referohet një shpërthimi të fokusuar te orë të tëra pastrimi. Në dallim nga një episod pastrimi i rastit, maniakët e bëjnë këtë gjë për ditë, javë dhe muaj me radhë. Njerëzit filmojnë veten duke pastruar kuzhinën ose sistemuar dhomat e shtëpisë dhe e quajnë këtë ritual si një sjellje maniake për shkak të motivimit të papritur dhe të pashpjeguar. Një nga ndryshimet më domethënëse midis maniakëve të pastrimit dhe thjesht personave të fiksuar është kohëzgjatja. Episodet maniake zgjasin minimumi shtatë ditë, ndërsa ato hipomaniake me javë dhe muaj të tërë.
Pse ky trend është problematik?
Trendi i maniakëve të pastrimit mund të mos jetë në thelb i rrezikshëm, por normalizimi i kësaj qasjeje me një pastrim të zakonshëm në përditshmëri është diçka shqetësuese. Ekspertët thonë se kjo mund të ndikojë në stereotipat dhe stigmën e shëndetit mendor, pasi është thelbësore që t’i qasemi këtyre diskutimeve me shumë ndjeshmëri. Një ritual normal deri në një episod maniak pastrimi ka shumë dallim, ndaj duhet kujdes që të mos bini pre e kësaj.
Artikuj të sugjeruar:
Burimi: Pop Sugar
