Në valën nostalgjike të viteve ’90 dhe 2000, u rikthyen edhe aksesorët për flokë, por sot do ndalojmë të flasim për një prej tyre specifikisht.
Bella Hadid u pa me llastikun e gjerë të flokëve (hair band), të cilin e kombinoi veshje sportive dhe gocat që ndjekin modën, nxituan ta kopjojnë nga pak duke e futur llastikun në çdo kombinim.
Përveç funksionit praktik që ka ky aksesor me efektin e fshehjes së flokëve në një ditë jo të mirë, ose i mban të pastër kur je për palestër apo në një ditë të gjatë dhe të rrëmujshme, efekti plotësues në veshje është akoma më i veçantë.
Këtë vit, Schiaparelli e shtoi në listën e aksesorëve të luksit kur ia bashkoi veshjes së Irina Shayk.
Brezat e rinj po e kthejnë këtë aksesor në ikonë dhe parashikmet flasin se do qëndrojë gjatë në listën e të preferuarve. Nga kombinimi me të brendshme deri te fustanet serioze apo fundet e gjatë, llastiku i flokëve u aprovua edhe në TikTok ku tanimë gjen sugjerime si ta veshësh.
@__bexbeauty__ Headband hairstyle <3
? original sound - sped up afrobeats
