Nga ngjitëset e detoksit, e deri te një banjo këmbësh, kujdesi ndaj trupit sipas TikTok-ut fillon nga këmbët. Në rrjetin e famshëm social kanë nisur të qarkullojnë shumë video që tregojnë sesi ndryshon ngjyra e ujit të pastër, apo sa keq duket një ngjitës detoksi pasi e heq nga këmba, duke i bindur të gjithë përdoruesit se kanë larguar toksinat.

Si funksionon kjo metodë?

Mjekësia tradicionale kineze, jo vetëm e mbështet teorinë se nga këmbët mund të heqësh toksinat e gjithë trupit, por edhe e këshillojnë ta bësh. Sipas tyre, teknikat që kanë në fokus këmbët për të bërë detoks trupi, ndikojnë në uljen e stresit, rregullojnë pamjen e lëkurës dhe ndihmojnë me gjumin. Por, përtej shpjegimit të mjekësisë kineze nuk ka prova shkencore se mund të largohen toksinat nga këmbët.

Mjekët kinezë e mbështesin argumentin e tyre në teorinë se këmbët janë zona ku qarkullimi i gjakut është më i ngadaltë dhe prej stimulimit të bërë aty mund të nxitet rrjedhja limfatike e trupit për të realizuar pastrimin.

Tashmë ka në shitje ngjitëse të gatshme që kanë përmbajtjen e duhur të detoksit për këmbët, por edhe pajisje të tjera për t’i realizuar në shtëpi.

Nëse u binde ta nisësh, mund të krijosh një banjë për këmbët me ujë të ngrohtë, kripë, uthull molle dhe argjilë.

Artikuj të sugjeruar: