Në mbrëmjen e 4 shkurtit, gjithë sytë e botës u drejtuan në ceremoninë prestigjoze të çmimeve Grammy. Ceremonia, e mbajtur për vitin e 66-të tashmë, vlerësoi artistët në kategori të ndryshme dhe na tregoi ca super veshje nga yjet më në zë të momentit.
Në sy ra menjëherë fustani i bardhë i Taylor Swift, i kombinuar me doreza të zeza. Pas një çasti, e kuptuam ku mund të jetë frymëzuar: Te Kate Middleton. Tay, e veshur me një krijim nga marka Schiaparelli, solli një version më modern dhe pak më ekstravagant të fustanit dhe look-un e kompletoi me bizhuteri të ndryshme, me një vlerë prej 300-karatësh. Bizhuteritë janë krijuar nga Lorraine Schwartz.
Në janar të vitit të shkuar, Kate, veshi një fustan të ngjashëm për ceremoninë e BAFTA. Fustani i saj ishte krijuar nga Alexander McQueen dhe ajo dukej mahnitëse. Kate, ndryshe nga Taylor, e kombinoi fustanin me vathë që binin në sy dhe stiletto nude, ndërsa këngëtarja, me sandale të zeza.
Ngjashmëria është e madhe, por duhet theksuar se të dyja gocat duken yje!
Artikuj të sugjeruar:
