Merrni pak kohë për ta zhvendosur vëmendjen nga drama mbretërore tek treshja më e përfolur: Selena-Justin- Hailey. Fare rastësisht, ndodh që Gomez dhe Hailey Baldwin të takohen në një restorant! Përballje e sikletshme ndodhi të shtunën, por edhe pse të dyja u treguan të pjekura dhe asgjë e pakëndshme s'ndodhi, interneti gjeti diçka për t'u marrë!
Selena ishte me disa nga mikeshat e saj, kurse Hailey ndodhej me Madison Beer, që është gjithashtu shoqja e Gomez.
Beer gati sa su kryqëzua nga ndjekësit e Instagram-it dhe fansat e Selena-s vetëm sepse kishte dalë me Baldëin. Sipas tyre kjo ishte "tradhti pas shpine" për shoqen e saj.
Kaq të egra ishin komentet, sa mikesha e përbashkët e vajzave u detyrua të mbrohej përmes një postimi.
"Këto thashethemet po më çmendin. Sapo darkova me Hailey-n, shoqen time prej 10 vitesh dhe çfarë? Mos bëra krim ? Unë e dua shumë Selena-n dhe gjithnjë e kam dashur. Mendoni se do të bëja diçka që mund ta lëndonte? Eshtë shumë e keqe prej jush dhe e panevojshme sepse asgjë s'ndodhi. Ishte thjesht një rastësi dhe tani po më kundërviheni mua."
Pjesë e dramës së panevojshme u bë dhe vetë ylli i Disney-it.
"Sa e shëmtuar të lexosh gjithë këto. Asgjë nuk ishte e qëllimshme. Jam shumë e zhgënjyer që njerëzit flasin kështu. E kam njohur Madison që kur ishte fëmijë dhe s'ka vend për diskutim."
Pra? Njerëzit as kanë ndërmend të heqin dorë nga drama të tilla as këtë dekadë. Të paktën kështu duket.
