Ju po merrni më shumë detyra në punë dhe kjo mund t’ju duket tejet e lodhshme, pasi njëkohësisht po përqendroheni edhe te shtëpia dhe familja. Në gjysmën e parë të shkurtit, Afërdita dhe Marsi do të lëvizin së bashku në sektorin tuaj të brendshëm, duke ju ndihmuar të gjeni mënyra të reja për të rifreskuar pamjen dhe ndjesinë e përkatësisë.
 
Hëna e re në 9 shkurt do të prezantojë një qasje të re për Peshoren, e cila do të theksojë sektorin e romancës, falë Diellit, Hënës së re, Mërkuri dhe Plutonit të cilët do të jenë të gjithë në Ujor dhe do të fokusohen në shtëpinë e dashurisë së vërtetë, shtatzëninë, lindjes dhe kujdesit për fëmijët. Gjithashtu, do të merren edhe me pjesën e imagjinatës dhe kreativitetit tuaj. Të gjitha këto fusha do të marrin një nxitje dhe hov të madh, veçanërisht pasi Hëna e re të sjellë energjinë e saj të jashtëzakonshme.
 
Kjo Hënë e re (9 shkurt) vjen pikërisht në kohën e duhur për ta bërë ditën e Shën Valentinit të paharrueshme dhe romantike, veçanërisht nëse jeni të lidhur. Nëse jeni beqarë, gjatë gjithë muajit, planetet do t’ju sjellin mundësi fantastike për të njohur njerëz të rinj.
 
Kjo Hënë e re ndriçon sektorin tuaj të tetë, atë të financave. Duket se një shpenzim i madh mund të vijë papritur dhe do të lidhet me kujdesin tuaj për fëmijët, pjesëmarrjen në një ngjarje shoqërore dhe festive. Urani do t’ju godasë si rrufe dhe do të sjellë lajme të papritura për të cilat nuk keni qenë në dijeni, ose thjesht s’u keni dhënë rëndësi.
 
Në të njëjtën kohë, Urani do të bashkëpunojë me Marsin dhe Afërditën, kështu që prisni ndihmë dhe mbështetje nga një i afërm, familjar ose mik. Kjo do të ndikojë në zvogëlimin e stresit që keni përjetuar këto kohë. Kujdesuni për shëndetin, para se një projekt në punë të kërkojë vëmendjen tuaj të plotë.
 
Hëna e re plotë në Virgjëreshë (24 shkurt) do t’ju bëjë më të vetëdijshëm për rëndësitë e përpjekjeve tuaja. Ndonëse mund të ndieni se nuk keni përdorur të gjithë fuqinë tuaj, sërish do të keni mundësinë të perfeksiononi projektet me të cilat po merreni dhe të arrini suksesin që doni. Rriteni veten, ndani detyrat dhe prioritetet. Në këtë periudhë, Saturni do të bashkëpunojë me Diellin dhe ju do të keni shpërblime të merituara për punët dhe idetë tuaja. Reputacioni juaj ka kaluar në disa faza të rëndësishme dhe i keni kaluar të gjitha me sukses.
 
Fundi i muajit të këtij viti të brishtë, sjell një ndërveprim të këndshëm mes Mërkurit dhe Jupiterit. Mund të udhëtoni, të bëni pazar ose të takoni një klient. Të gjitha do të shkojnë shumë mirë.

Hëna e re në Ujor, e cila do të ndriçojë qiellin e 9 shkurtit, do të bëjë që mendja dhe zemra juaj të përqendrohen te shtëpia dhe familja. Mërkuri dhe Plutoni do të bashkohen gjatë kësaj Hëne të re me Diellin dhe do të krijojnë një energji kozmike që fokusohet pikërisht në jetën familjare.
 
Afërdita do të ndjekë Marsin në Ujor më 16 shkurt dhe një mundësi e re për të rinovuar shtëpinë, ose për të blerë/shitur, apo riparuar banesën tënde shfaqet në jetën tënde. Shtysa e planeteve do të jetë e butë që të kesh më shumë zell në idetë e tua. Shfrytëzoje menjëherë!
 
Me gjithë dëshirën e mirë të Marsit dhe Afërditës, Urani do të sjellë vështirësi të reja më 9 shkurt, kur do të ndodhë dhe Hëna e re. Një lëvizje e gabuar, vonesë, apo një anëtar i familjes mund të ketë nevojë për ndihmë dhe ky lajm mund t’ju trondisë pak. Merreni veten, përpiloni një plan ndihmues dhe veproni! Me Uranin nuk ka parapërgatitje dhe nuk mund ta parashikoni kurrë se ç’do të ndodhë, ndaj mos bini pre e panikut.
 
Valët tronditëse të Uranit do të ndihen në çdo shenjë, duke ndikuar edhe te Dielli. Me shumë gjasa, karriera juaj do të pësojë një ndryshim të madh dhe do ju duhet të përshtateni shpejt për të mbajtur gjithçka nën kontroll.
 
7 shkurti, me shumë mundësi, do të jetë një ditë e bukur, për shkak se sërish Urani (këtë herë për mirë), do të dërgojë një rreze të bukur në Afërditë. Nëse jeni në një negociatë pune, do të zbuloni se gjithçka po shkon pa probleme dhe se marrëveshja do të arrihet lehtësisht. Nëse ju jepet një kontratë që duhet firmosur, nënshkruajeni në 12 ditët e para të shkurtit.
 
Dita e Shën Valentinit, 14 shkurti, mund të jetë e veçantë për ju. Hëna do të kalojë nga shenja e Demit. Nëse jeni në një marrëdhënie, lejojeni partnerin të planifikojë dhe t’ju surprizojë. Nëse jeni beqarë, dilni, shkoni në vende të reja, njihni njerëz dhe argëtohuni, pasi dashuria mund të jetë në prag.
 
Në rast se jeni të fejuar, apo të martuar, një dhuratë e bukur do të vijë si surprizë nga personi i zemrës. Afërdita dhe Marsi do të takohen më 22 shkurt, duke krijuar një ditë të paharrueshme që ju të bëni zgjedhje perfekte për shtëpinë dhe jo vetëm.

Copyright Anabel.al / Ndalohet ribotimi pa lejen e redaksisë.