Gjatë muajit shkurt, do të ndiheni më të ekspozuar në punë, nëse edhe profili i profesionit tuaj është i tillë, me menaxhimin apo marrëdhënien e njerëzve me ndikim. Do të keni presion dhe stres, por edhe vëmendje dhe vlerësime. Eprorët do të jenë të kënaqur me performancën tuaj dhe do të arrini të rrëmbeni vetëm komplimente.
 
Marsi, sundimtari juaj do të jetë në shtëpinë tuaj të karrierës, shpërblimeve dhe arritjeve, ndaj është momenti i përsosur për të shkuar në të tjera nivele. Muajin e kaluar keni pasur një ngjarje qiellore (Hëna e re) që hapi një portal për të ngritur reputacionin tuaj në punë.
 
Kujtoni bisedat që keni bërë gjatë Hënës së re të 11 janarit, pasi ato bisedime do të vijnë në një trajtë dhe fazë të re. Diskutimet që janë zhvilluar në Hënën e re të muajit të shkuar, me shumë gjasa kanë përparuar dhe do të jenë sërish në vëmendjen tuaj. Do të dëgjoni gjëra interesante dhe mund t’ju lindë dëshira të vendosni prioritete të tjera në karrierë, por edhe të promovoheni ose të merrni një ofertë të mirë pune. Në të gjitha skenaret, do të përfitoni.
 
Në gjysmën e parë të shkurtit do të keni disa përparime dhe zhvillime të shumëpritura. Motivimi juaj për punë dhe sukses do të jetë më i lartë se kurrë, sidomos në Hënën e re të shkurtit (data 9), që do t’ju ndihmojë të lini një përshtypje tejet pozitive për njerëzit që janë në krye të kompanisë ku punoni.
 
Me Hënën e re do të doni të jeni me miqtë tuaj, të cilët do të përfshihen në planet tuaja. Megjithatë, Urani ju bën thirrje të shikoni financat dhe shpenzimet e tepërta. Ndani mendjen ku do të shkoni dhe kuptoni nëse mund ta përballoni financiarisht udhëtimin.
 
Më 21 dhe 22 shkurt, Marsi dhe Afërdita do të bashkëpunojnë për ta bërë miqësinë tuaj me njerëzit që keni pranë më të fortë. Susan Miller sugjeron që të mblidheni të gjithë bashkë në një darkë, të festoni dhe të rikujtoni batutat dhe momentet që e kanë bërë miqësinë tuaj ajo që është sot.
 
Deri në Hënën e plotë më 24 shkurt, një projekt i madh dhe fitimprurës do të përfundojë në punën tuaj dhe ju do të ndieni nevojën për t’u tërhequr, për të pushuar dhe për t’u relaksuar. Gjatë kësaj kohe do të merreni me shtëpinë, për ta bërë atë sa më komode. Duke qenë se Saturni, planeti i përgjegjësisë, do të ndërveprojë me Diellin për të kundërshtuar Hënën e plotë, do të pushoni mjaftueshëm.
 
Shfrytëzojeni këtë moment, sepse keni shuuumëë për të arritur në muajt në vijim.

Në gjysmën e parë të muajit shkurt do të ndiheni disi të shqetësuar dhe do të keni një nevojë emergjente për një ndryshim ambienti. Fatmirësisht, është momenti ideal, pasi Marsi, planeti i veprimit, i cili shpesh zbulon se ku duhet të përqendroheni, do të jetë afër përfundimit të ciklit te Bricjapi, çka do të thotë se më në fund mund të çliroheni dhe të shkoni në një vend të ri, për pushime. Në mendje mund të keni një mjedis me dëborë, të qetë dhe mbresëlënës, ndaj mos prisni më gjatë. Shkoni para 13 shkurtit, kur Marsi të hyjë në sektorin e karrierës.
 
Nga 9 shkurti e në vijim, mendja juaj ka të ngjarë të orientohet drejt karrierës, pasi Hëna e re do të shkojë në shtëpinë tuaj të 10-të të nderimeve, çmimeve dhe arritjeve. Zakonisht, kjo është një kohë shumë e mirë për të ecur me vendosmëri drejt zhvillimeve të reja profesionale. Por, kini parasysh: Hëna e re ne 9 shkurtit, siç sjell mundësi të reja, sjell edhe pengesa.
 
Urani, planeti i befasive, tanimë gjendet në shenjën tuaj dhe mund të sjellë të papritura që ndoshta nuk do ju pëlqejnë. Mos u stresoni, pasi është diçka që nuk mund të parashikohet. Urani kështu funksionon. Mund të haseni me një ofertë pune që ju dërgon larg shtëpisë, apo të kaloni një pjesë të madhe të kohës duke udhëtuar për punë. Do të pyesni veten nëse jeni në gjendje të mbani ritmin dhe do të mendoni nëse është vendimi i duhur pranimi i ofertës.
 
Marsi do të ketë ndikim të madh në sektorin tuaj të karrierës, ndaj ia vlen të bëni kërkesat që keni pritur gjatë këtij muaji. Mund të kërkoni për punën ideale, apo një rritje page. Jupiteri, planeti i fatit dhe Saturni, planeti i përfitimeve afatgjata, ju inkurajojnë ta ndërmerrni hapin. Ata do t’ju ndihmojnë. Përfitoni nga datat mes 13 shkurtit dhe 22 marsit.
 
Sa i përket pikëpamjes romantike, dita e Shën Valentinit, më 14 shkurt, mund të jetë magjepsëse. Për fat, Hëna e re do të kalojë edhe në Dem duke ju sugjeruar të shprehni, të jepni dhe të merrni më shumë dashuri. Afërdita do të bashkëpunojë me Hënën e re gjithashtu. Do të merrni dhurata të bukura, ndërsa beqarët do të kenë mundësi të takojnë një person interesant që mund t’u vjedhë zemrën.
 
10 ditë më vonë, Hëna e plotë e 24 shkurtit te Virgjëresha do të ndriçojë sektorin tuaj të dashurisë dhe një marrëdhënie romantike do të kulmojë pikërisht në 24 shkurt, plus 4 ditë. Saturni do të bashkëpunojë me Diellin, duke ju sugjeruar të merrni një vendim serioz, i cili përqëndrohet në jetën tuaj personale.

Copyright Anabel.al / Ndalohet ribotimi pa lejen e redaksisë.