Kylie kishte një arsye më shumë për t’u ndjerë e emocionuar dhe e lumtur dje, pasi Stormi, vajza e saj kishte ditëlindjen. Përmes një videoje në Instagram, ajo tregoi momente nga përgatitja e festës, ku duket se njerëzve u ra në sy sasia e jashtëzakonshme e tullumbaceve.
Një natë para ditës së veçantë të së bijës, milionerja e familjes Kardashian postoi një video në Instagram duke tërhequr një qese të madhe plastike të mbushur me tullumbace, duke shkruar: “Le të fillojë java e ditëlindjes!".
26-vjeçarja i shpërndau tullumbacet në gjithë hapësirën e dhomës, teksa në një moment zbuloi edhe disa nga dhuratat e mbështjella për të bijën.
Por, njerëzit nuk qëndruan të heshtur dhe reaguan në platformën Reddit, pas pamjeve nga festa. "Ajo po kontribuon për ndotjen në këtë botë. A është truri i saj i aftë të kuptojë ndikimin e plastikës në mjedisin tonë, apo është kaq e paedukatë?"
"Janë kaq të neveritshëm të gjithë," tha një tjetër përdorues i Reddit, duke iu referuar familjes së famshme të Jenner. "Si mund të jetoni duke bërë lëmsh planetin çdo ditë me avionët privatë, veshjet dhe aksesorët e pafund që përdoren ndoshta vetëm një herë në jetë, tullumbace dhe një mënyrë jetese tejet ekstravagante pa asnjë kujdes apo shqetësim për gjurmën e karbonit që po lini në planet?"
Një tjetër individ vuri në dukje se ylli i reality show-t ka të ngjarë të mos i interesojë sepse "rregullat nuk zbatohen për të padyshim".
Si zakonisht, Kylie Jenner i ka injoruar kritikat.
Bukuroshja ka qenë në vëmendjen e të gjithëve kohët e fundit, sidomos pasi u shfaq në javën e Modës në Paris, çdo herë me një pamje të re. Njerëzit nuk ja kanë kursyer komentet edhe në këtë rast.
Artikuj të sugjeruar:
Burimi: OK Magazine
