Që Jennifer Lawrence zë vend në artikujt e modës ndryshe nga gocat e tjera të ekranit, kjo nuk ka dyshim. Që nga veshja e shapkave në tapetin e kuq të Cannes në 2023-shin, kur zuri faqet e revistave më të njohura në botë për 3 ditë, e deri te daljet në emisione duke hequr takat live, aktorja gjithmonë ka ndjekur idenë e të pasurit lirshmëri në këmbë.
Thënë kjo, bëhuni gati për këpucët e reja që u bënë temë në media prej Jennifer. Ajo u fotografua nga paparaci me një palë pupa të pazakonta, shumë të holla dhe të sheshta. Aq “jo këpucë” duken në pamje, saqë shumë mund t’i kenë ngatërruar me çorape. Ato mbajnë vulën e “The Row” dhe quhen ndryshe “nude illusion ballet flats”. Dukshëm të rehatshme pasi Jennifer i ka veshur teksa kërkonte për shtëpi në Los Angeles.
Mediat dedikuar modës i futën menjëherë në trendet e 2024-ës, ndërsa pritet që takat të vishen më pak dhe kombinimet në vazhdim të jenë kaq të sheshta dhe minimaliste.
Artikuj të sugjeruar:
- Taylor Swift na provoi se kjo nuancë e thonjve do të jetë trend për këtë vit
- Anne Hathaway i dedikoi një tatuazh bashkëshortit, ja disa ide edhe për ju
- Sfilata më e përfolur e momentit: Si arriti artistja të krijonte grimin që fiksoi internetin
- 5 aksesorë të lezetshëm që u duhen të gjitha gocave
- 5 çantat e mëdha që do të jenë kryefjala e dimrit
